Black Water: ఈ మధ్యకాలంలో బ్లాక్ వాటర్ చాలా ఫేమస్ అయ్యింది. బ్లాక్ వాటర్ ను చాలా మంది సెలబ్రిటీలు ఎక్కువగా తాగుతున్నారు. క్రికెటర్ విరాట్ కోహ్లీ , యాక్టర్స్ మలైకా అరోరా, కరణ్ జోహార్, శృతిహాసన్ ఇలా ఎంతోమంది ఈ నీటిని తాగుతున్నారు. ఈ వాటర్ లో ఉండే పోషక విలువలు మన ఆరోగ్యానికి ఎంతో మేలు చేస్తాయి. అదేంటో ఇప్పుడు చూద్దాం..
బ్లాక్ వాటర్ సాధారణ నీటితో పోలిస్తే ఈ నీటి రంగే కాదు దీనిలోని లక్షణాలు కూడా విభిన్నంగా ఉంటాయి. వ్యాయామం లేదా ఎక్కువ చెమట పట్టిన తర్వాత ఈ నీళ్లు తాగితే శరీరం కోల్పోయిన నీరు వెంటనే భర్తీ అవుతుంది. సాధారణ నీరు శరీరానికి అందించే పోషకాలకంటే ఈ నీటిలో పోషకాల శాతం అధికంగా ఉంటుంది. బ్లాక్ వాటర్ ఎంత తాగాలి అనేది శరీర అవసరాలను బట్టి ఆధారపడి ఉంటుంది. ఈ నీటిని తాగితే శరీరం నుంచి విష వ్యర్ధాలను బయటకు పంపే మంచి డిటాక్స్ డ్రింక్ గా పని చేస్తుంది. బ్లాక్ వాటర్లో పుష్కలంగా ఉండే యాంటీ ఆక్సిడెంట్లు, ఖనిజాలు శరీరంలో వ్యాధులకు కారణమయ్యే ఫ్రీ రాడికల్స్ ను బయటకు పంపించడంలో సమర్థవంతంగా పనిచేస్తుంది.
దాంతో వృద్ధాప్య ఛాయలు కూడా రావు. బ్లాక్ వాటర్ శరీరంలో యాసిడ్ స్థాయిలను నియంత్రణలో ఉంచుతుంది. ఈ నీటిని తీసుకోవడం వల్ల జీర్ణ వ్యవస్థ మెరుగుపడుతుంది. తీసుకున్న ఆహారం నుంచి సూక్ష్మ పోషకాలను శరీరం త్వరగా గ్రహించగలుగుతుంది. దాంతో రోగనిరోధక శక్తి పెరుగుతుంది. ఇంకా శరీరంలో కొవ్వు పేరుకోకుండా చేస్తుంది. తరచూ ఈ నీళ్లు తాగితే అధిక బరువుకు పెట్టవచ్చు. ఇంకా రోజంతా యాక్టివ్ గా ఉంటారు.