Barrenka Chettu: ఈరోజుల్లో దంత సమస్యలతో బాధపడే వారి సంఖ్య రోజురోజుకీ పెరుగుతోంది.. పళ్ళు పసుపు పచ్చగా మారడం, గార పట్టడం, పళ్ళు పుచ్చిపోవడం, నోటి నుంచి దుర్వాసన రావడం వంటి సమస్యలు ఎక్కువగా ఉన్నాయి.. ఇందుకోసం మార్కెట్లో దొరికే రకరకాల టూత్ పేస్ట్ లను వాడుతున్నారు.. కానీ ప్రయోజనాలు మాత్రం నామమాత్రం గానే ఉన్నాయి.. అన్నిరకాల దంత సమస్యలకు బర్రెంక చెట్టు అద్భుతంగా పనిచేస్తుంది..!
పల్లెటూరు, గ్రామాల్లో బర్రెంక చెట్టు తెలియని వారు ఉండరు.. పైసా ఖర్చు లేకుండా దంతాలను ఆరోగ్యంగా అందంగా ఉంచుకోవచ్చు ఈ చెట్టుతో.. బర్రెంక చెట్టు ఆకులతో దంతాలను శుభ్రం చేసుకోవడం వల్ల దంతాలు తెల్లగా మారడమే కాకుండా ఆరోగ్యంగా, బలంగా కూడా ఉంటాయి. ఈ చెట్టు ఆకులను నీడలో ఎండబెట్టి దంచి పొడి చేసుకోవాలి. ఆ పొడితో తోముకుంటే పళ్ళ పై ఉన్న గార తొలగిపోయి తెల్లగా మెరుస్తాయి. బర్రెంక చెట్టు ఆకులు, బెరడు ను ఎండబెట్టి దంచి పొడిచేసుకోవాలి. ఈ పొడికి రాళ్ల ఉప్పు పొడిని కలిపి నిల్వచేసుకోవాలి ప్రతిరోజు ఈ పొడి తో దంతాలను శుభ్రం చేసుకోవడం వల్ల దంతాలు తెల్లగా మెరుస్తాయి. దంత సమస్యలు రాకుండా ఉంటాయి.
బర్రెంక చెట్టు పుల్లలతో పళ్ళు శుభ్రం చేసుకోవడం వల్ల పసుపు పచ్చగా ఉన్న దంతాలు తెల్లగా మారతాయి. దంతాలపై ఉన్న గార కూడా తొలగిపోతుంది. పిప్పి పన్ను సమస్య తో బాధపడుతున్న వారు ఈ చెట్టు పుల్లతో దంతాలను శుభ్రం చేసుకోవడం వల్ల నొప్పి కూడా తగ్గిపోతుంది. ఈ చెట్టు బెరడును ఈ నోట్లో ఉంచుకుని ఆ రసం మింగితే పిప్పి నొప్పి తగ్గిపోతుంది.