Corns: పాదాలలో ఆనెలు వస్తె ఆ బాధ వర్ణనాతీతంగా ఉంటుంది.. అరికాళ్ళ లో అవగింజంత పరిమాణంలో మొదలై అది కందిగింజ మాదిరి పెరిగేవే ఆనెలు.. ఇవి రాపిడి, బ్యాక్టీరియా, వైరస్, మృత కణాలు పేరుకుపోవడం వల్ల వస్తాయి.. కొద్దిగా దూరం నడిచినా కూడా నొప్పి వస్తుంది.. ఈ సమస్యకు చెక్ పెట్టాడానికి ఈ సింపుల్ టిప్స్ పాటించండి చాలు..!
వెల్లుల్లి లో యాంటీ సెప్టిక్, యాంటీ ఫంగల్, యాంటీ వైరల్ గుణాలు ఉన్నాయి. వెల్లుల్లి ఆనెలకు అద్భుతంగా పనిచేస్తుంది. వెల్లుల్లి రెబ్బలు ముక్కలుగా కట్ చేసి మెత్తగా నూరుకోవాలి. ఈ మిశ్రమాన్ని ఆనెలు ఉన్నచోట రాసి కట్టుకట్టాలి. ఇలా చేస్తే అవి త్వరగా తగ్గిపోతాయి. ఉల్లిపాయ రసం తీసి ఒక బకెట్ నీటిలో కలిపి అందులో పాదాలను ఉంచాలి. ఇలా రోజు చేస్తే ఆనెలు తగ్గుతాయి. లేదంటే గోరు వెచ్చని నీటితో సోడా ఉప్పు వేసి అందులో కాళ్ళను ఉంచి ఆ తరవాత ఫ్యూమిక్ రాయి పై పాదాలు అడుగు భాగంలో రుద్ది నా ఫలితం ఉంటుంది.
పైనాపిల్ ముక్కలతో పాదాల పై గట్టిగా రుద్దాలి. ఇలా చేయడం వలన బ్యాక్టీరియా పోతుంది. తులసి ఆకులు ముద్దగా నూరి అందులో కొద్దిగా ఆముదం కలిపి ఆ మిశ్రమాన్ని ఆనెలు ఉన్నచోట రాస్తే తగ్గిపోతాయి. కలబంద గుజ్జును ఆనెలు ఉన్నచోట రాసి కట్టుకట్టాలి. ఇలా రెగ్యులర్ గా చేస్తే మెరుగైన ఫలితాలు కనిపిస్తాయి.