Lotus: తామరతో ఈ ప్రయోజనాలు ఉంటాయని ఎవ్వరూ ఊహించలేరు..!

Lotus: తామర బురదలో పెరిగిన చేరేది మాత్రం దేవుడి చెంతకే.. తామర పువ్వులా జీవితంలో ఎదగాలని చెబుతుంటారు పెద్దలు.. తామర పువ్వులతో దేవతారాధన చేస్తే విశేషమైన ఫలితాలు కలుగుతాయని ప్రతీతి.. తామర పూలతో ఆరోగ్యం, అందాన్ని కూడా పెంపొందించుకోవచ్చు..! పూలను ఏ విధంగా ఉపయోగిస్తే ఎటువంటి ప్రయోజనాలు కలుగుతాయో ఇప్పుడు తెలుసుకుందాం..!

తామర పువ్వు చల్లదనాన్ని కలిగి ఉంటుంది. తామరపూలతో టీ తయారుచేసుకొని తాగితే.. రక్త ప్రసరణను మెరుగు పరుస్తుంది. నాడీ వ్యవస్థను బలోపేతం చేస్తుంది. ఇది మనసుకు హాయిని కలిగిస్తుంది. ఇందులో ఉండే యాంటీ ఆక్సిడెంట్స్ ఫీల్ గుడ్ హార్మోన్లు ఉత్పత్తి చేసి టెన్షన్, ఒత్తిడి, అలసట, డిప్రెషన్ ను దూరం చేస్తాయి. మానసిక ప్రశాంతతను కలిగిస్తాయి. చక్కటి నిద్ర పట్టేలా చేస్తుంది. నిద్రలేమి సమస్య ను పోగొడుతుంది.

తామర లో యాంటీ ఆక్సిడెంట్ గుణాలు ఉన్నాయి. ఇవి నొప్పి నివారిణిగా పనిచేస్తాయి. తామర నూనె అన్ని రకాల శారీరక నొప్పులను తగ్గిస్తుంది. కీళ్ల నొప్పులు, కాళ్ల నొప్పులు, కండరాల నొప్పులను కూడా తగ్గిస్తుంది. అంతేకాకుండా పాత గాయం నుంచి వచ్చేఆ నొప్పిని కూడా తగ్గిస్తుంది.. తామర నూనె జుట్టు రాలడం, చిట్లడం, చుండ్రు వంటి సమస్యలకు చెక్ పెడుతుంది. ప్రతిరోజు ఈ నూనెను తలకు రాసుకుని మర్దనా చేస్తూ ఉంటే జుట్టు ఒత్తుగా పొడవుగా పెరుగుతుంది.