Raw Almonds: బాదం ఆరోగ్యానికి మంచిదని అందరికీ తెలిసిందే.. బాదం పప్పు ఎండినవి మార్కెట్లో దొరుకుతాయి.. సాధారణంగా మనందరం వీటిని ఎక్కువగా తింటూ ఉంటాం.. అయితే కొంత మంది పచ్చిబాదం కూడా తింటూ ఉంటారు..! పచ్చిబాదం తింటే ఆరోగ్యానికి మంచిదో కాదో తెలుసుకుందాం..!!
పచ్చి బాదంపప్పు లో అమిగాల్డిన్ అనే మూలకం ఉంటుంది. ఇది రుచిలో కొంచెం చేదుగా ఉంటుంది. తక్కువ మోతాదులో వీటిని తింటే ఇబ్బందేమీ ఉండదు కానీ.. ఎక్కువగా తీసుకుంటే మాత్రం ఇబ్బందులు తప్పవు. అనేక ఆరోగ్య సమస్యలు చుట్టుముడతాయి. ఎక్కువగా పచ్చి బాదం తినడం వలన శరీరం పోషకాలను గ్రహించలేదు ఇందులో టానిన్ లు ఉంటాయి. వాటి వలన శరీరం పోషకాలను శోషించుకోవడం లో సమస్యలు తలెత్తుతాయి. దేహానికి అవసరమైన శక్తి లభించదు. ఫలితంగా అనారోగ్య సమస్యలు వస్తాయి.
Read More: Dry Amla: ప్రతిరోజు అన్నం తిన్న తరువాత ఇవి రెండు తినండి.. హాస్పిటల్ కి వెళ్ళే అవసరం వుండదు..!!
కొన్ని పరిశోధనల ప్రకారం.. పచ్చి బాదంపప్పును ఎక్కువగా తీసుకోవడం వలన కాలేయం, మూత్రపిండాల తోపాటు శరీరంలోని అనేక అవయవాలకు హాని చేస్తుంది. పచ్చి బాదంలో ఆక్సలేట్ ఉంటుంది. కిడ్నీలో రాళ్లు ఏర్పడడానికి ఇవే మూల కారణం. అందుకే వీటిని తింటే మూత్రపిండాలకు హాని కలుగుతుందని వైద్య నిపుణులు చెబుతారు. మైగ్రేన్ తో బాధపడుతున్న వారు పచ్చి బాదం అసలు తినకూడదు. ఇందులో అనేక రకాల మూలకాలు ఉంటాయి. ఇవి శరీరంలోకి చేరి రసాయన చర్యలు జరుపుతాయి. దాంతో మైగ్రేన్ బాధితులకు మరి కొన్ని ఇబ్బందులు ఎదురవుతాయి. మీకు ఇలాంటి ఆరోగ్య సమస్యలు ఏమైనా తలెత్తితే వెంటనే వైద్యులను సంప్రదించి తగిన జాగ్రత్తలు తీసుకోవడం మంచిది.