Glowing: 5 రూపాయల ఖర్చుతో ఫేషియల్ గ్లో మీ సొంతం..!

Glowing: వేసవిలో మొఖం జిడ్డుగా మారుతుంది. పైగా సూర్యుడి వేడికి బయటకు వస్తే త్వరగా టాన్ వస్తుంది. ఎండాకాలం లో అందంగా మెరిసిపోవాలంటే వంటిల్లు చక్కని స్పాట్.. మన ఇంట్లో ఉండే ఈ వస్తువులతో ఫేషియల్ గ్లో తెచ్చుకోవచ్చు.. ఆ ఫేస్ ప్యాక్ కి కావలసిన పదార్ధాలు.. ఎలా తయారు చేసుకోవాలో ఇప్పుడు తెలుసుకుందాం..!

రెండు చెంచాలు సెనగపిండి, రెండు చెంచాలు గోధుమపిండి, రెండు చెంచాలు పంచదార, ఒక చెంచా తేనె, ఒక చెంచా కాఫీ పొడి, అర చెక్క నిమ్మకాయ అవసరం.
ముందుగా ఒక బౌల్ తీసుకొని అందులో గోధుమపిండి, శెనగపిండి, కాఫీ పౌడర్ వేసి కలుపుకోవాలి. ఇందులో నిమ్మరసాన్ని పిండి తగినన్ని నీళ్లు కలిపి ఫేస్ ప్యాక్ ఎలా తయారు చేసుకోవాలి. ఇప్పుడు ఒక ప్లేటు తీసుకుని అందులో తేనె, పంచదార వేసి కలపాలి. ఇప్పుడు నిమ్మ రసం పిండేసిన నిమ్మ తొక్క తీసుకుని పంచదార మిశ్రమాన్ని నిమ్మ తొక్కకు అద్దుకొని ముఖాన్ని స్క్రబ్ చేసుకోవాలి. తరువాత చల్లటి నీటితో కడిగేసుకోవాలి.

ఇప్పుడు ముందుగా సిద్ధం చేసుకున్న ఫేస్ ప్యాక్ ముఖానికి అప్లై చేసుకోవాలి. ఇరవై నిమిషాల తరువాత చల్లటి నీటితో కడిగేసుకోవాలి. వారంలో రెండు రోజులు ఈ ప్యాక్ వేసుకుంటే ముఖం పై ఉన్న మృతకణాలు తొలగిపోతాయి. సన్ టాన్ కూడా తొలగిస్తుంది. మోము కాంతివంతంగా మెరిసిపోతుంది. ఇంట్లోనే పార్లర్ కు వెళ్లకుండా గ్లాసీ స్కిన్ సొంతం చేసుకోవచ్చు..