Verri Puchha: వెర్రి పుచ్చ చెట్టు చూడడానికి పుచ్చకాయ అలానే ఉంటుంది.. కాకపోతే ఈ చెట్టును చూసి చాలా మంది పిచ్చి మొక్క అనుకుంటారు.. ఇందులో దాగి ఉన్న ఔషధ గుణాల గురించి ఎక్కువ మందికి తెలియదు.. ఈ చెట్టు ఆకులు, బెరడు లోనే కాదు.. ఈ చెట్టు గింజల నుంచి తయారు చేసిన నూనె కూడా ఆరోగ్యానికి ఎంతో మేలు చేస్తుంది.. వెర్రి పుచ్చ గింజల నూనె వలన కలిగే అద్భుతమైన ఆరోగ్య ప్రయోజనాలు ఏంటంటే.!?
వెరీ పుచ్చల గింజల నుంచి తీసిన నూనె ను తలనొప్పికి మర్దనా తైలంగా ఉపయోగిస్తారు. ఈ నూనెను నుదిటి పైన రాసుకొని మర్ధనా చేసుకుంటే తలనొప్పి నుంచి వెంటనే ఉపశమనం లభిస్తుంది. ఈ నూనె అన్ని రకాల కీళ్ల నొప్పులను తగ్గించడానికి సహాయపడుతుంది. ఈ నూనెకు వెంట్రుకలను నల్లగా మార్చే గుణాలు కలిగి ఉన్నాయి.. తెల్ల జుట్టు సమస్య తో బాధపడుతున్న వారు వారానికి రెండుసార్లు ఈ గింజల నూనె తలకు రాసుకుంటే జుట్టు నల్లగా మారుతుంది. జుట్టు ఊడకుండా ఒత్తుగా పెరుగుతుంది.
వెర్రి పుచ్చ మొక్కల గింజలు నుండి తీసిన నూనె లో కొవ్వు శాతం తక్కువగా ఉంటుంది. ఒకప్పుడు దీనిని వంటనూనెగా కూడా ఉపయోగించేవారు. ఇప్పుడు ఎవ్వరూ ఉపయోగించడం లేదు. ఈ నూనెను ఎక్కువగా సబ్బుల తయారీలో ఉపయోగిస్తారు. దీపారాధన కు కూడా ఈ నూనెను ఉపయోగిస్తారు . జీవ ఇంధనంగా ఈ నూనె వాడటం ఇక అనుకూలమైనది అని పరిశోధనల్లో నిర్ధారణ అయింది.
