చంద్రబాబు హయాంలో ఏపీ చీఫ్ ఇంటెలిజెన్స్ ఆఫీసర్ గా పనిచేసిన ఏబీ వెంకటేశ్వరరావు కి ఐపీఎస్ అసోసియేషన్ సంఘం దిమ్మతిరిగే షాక్ ఇచ్చింది. పూర్తి మ్యాటర్ లోకి వెళ్తే ఏపీ ప్రభుత్వం తనను వేధిస్తోందని అంటూ వెంకటేశ్వరరావు ఐపీఎస్ అసోసియేషన్ సంఘాన్ని ఆశ్రయిస్తూ మద్దతు తెలపాలని లెటర్ రాయడం జరిగింది.
దీంతో దీనిపై ఐపీఎస్ అసోసియేషన్ సంఘం సమావేశం అయ్యింది. అయితే వస్తున్న అవినీతి ఆరోపణలపై విచారణ ఎదుర్కోవలసిందే అని.. ఈ విషయంలో ఎలాంటి జోక్యం ఉండదని స్పష్టం చేసింది. ఇదే క్రమంలో ఏబీ వెంకటేశ్వరరావు కు మద్దతు ఇచ్చినట్లు కొన్ని మీడియా చానల్స్ ప్రసారం చేస్తున్న వార్తలను ఐపీఎస్ అసోసియేషన్ ఖండించింది.
గతంలో ఏపీ చీఫ్ ఇంటెలిజెన్స్ గా ఏబీ వెంకటేశ్వరరావు ఉన్న సమయంలో ఇంటెలిజెన్స్ మెటీరియల్ కొనుగోలుకు సంబంధించి అవకతవకలు.. అవినీతి జరిగినట్లు వచ్చిన ఆరోపణలపై ఏపీ ప్రభుత్వం విచారణ చేస్తున్న తరుణంలో ఇలాంటి విషయాలలో అసోసియేషన్ కలుగజేసుకోబోదని.. విచారణ ఎదుర్కోవలసిందే అని.. ఈ విషయంలో ఐపీఎస్ అసోసియేషన్ పై కూడా విమర్శలు చేయకూడదని ఏబీ వెంకటేశ్వరరావు కు తేల్చిచెప్పింది. దీంతో ఏబీ వెంకటేశ్వరరావు కు ఏం చేయలేని పరిస్థితి ఏర్పడింది.