Goose berry: ఉసిరికాయ గుజ్జు, లేదా ఉసిరికాయ పచ్చడి శ్రీమహాలక్ష్మీ కి నైవేద్యంగా పెట్టి ఆ తరువాత ముత్తైదువులకు వాయనంగా ఇస్తే కనుక మొండి బకాయిలు చాల తేలికగా వసూలు అవుతాయి.
శ్రీలక్ష్మీదేవి ‘శ్రీ’ చక్రానికి ఉసిరికాయ నైవేద్యంగా పెట్టి తరువాత దాన్ని అందరికీ పంచితే ఇంట్లో సిరిసంపదలు పెరుగుతాయి.
శ్రీమహాలక్ష్మీదేవి కవచం కానీ లక్ష్మీదేవి హృదయ స్తోత్రాన్ని పఠించిన తరువాత కానీ ఉసిరికాయను దానం చేస్తే నిత్య దారిద్యం తొలగి లక్ష్మీ కటాక్షం కలుగుతుంది.
శ్రీ సూక్తం పారాయణం చేసిన తర్వాత శ్రీమహాలక్ష్మీ కి ఉసిరికాయ, మరియు పాలు నైవేద్యంగా పెట్టడం వలన ఇంట్లో ఖర్చు తగ్గి ఆదాయం పెరుగుతుంది.
ప్రతిరోజూ ఉసిరికాయ చెట్టుకు పూజ చేసిన తరువాత నీళ్ళు పోసి నమస్కరిస్తే ఎప్పుడూ శ్రీ మహాలక్ష్మీ దేవి అనుగ్రహం పొందగలుగుతారు.
పూజ చేసే ప్రదేశంలో శంఖం పక్కన ఈశాన్య దిశగా ఉసిరికాయని ప్రతిరోజూ పెట్టినట్లయితే కుటుంబంలో ప్రశాంతతో పాటు , శాంతి కలిగిస్తుంది.
ఉసిరికాయ ఊరగాయ పక్కన నివసిస్తున్న వారికి లేదా బంధువుల ఇళ్లకు పంచితే ఇంట్లో కలహాలు తొలగిపోయి ఇంట్లో సుఖసంతోషాలు, శాంతి తో ప్రశాంత వంతమైన జీవనాన్ని గడుపుతారు.
ఉసిరికాయను కాలితో తొక్కే వారు నిత్య దారిద్ర్యం పొందుతారు.
ఉసిరికాయను డబ్బులు దాచే చోట పెడితే, ధనం స్థిరంగా ఉంటుంది.
ఉసిరికాయ దీపాలు తులసి కోట ముందు పెట్టి వెలిగించి నట్లయితే దైవ భక్తి పెరగడం తో పాటు అపమృత్యువు బాధలు తొలగి సంపూర్ణ ఆరోగ్యం పొందుతారు.
కన్యలు శుక్రవారం ముత్తైదువులకు ఉసిరికాయను పంచి పెట్టినట్లయితే కోరుకున్న కోరికలు తీరుతాయి.
శ్రీ గణపతి హోమంలో శక్తి గణపతి ని ధ్యానించి ఉసిరికాయను హోమగుండంలో వేయడం వలన అన్ని కార్యాలలో విజయం మరియు వ్యాపారంలో అధిక లాభాలు ప్రాప్తిస్తాయి.