ఇక బిగ్ బాస్ నాలుగవ సీజన్ విన్నర్ ఎవరో తేలేందుకు మరొక మూడు రోజులు మాత్రమే మిగిలి ఉంది. ఈ లోపల కంటెస్టెంట్స్ ఇంటిలో బాగా ఎంజాయ్ చేస్తున్నారు. మిగిలివున్న ఐదుగురికి ఈ వారం ఎటువంటి టాస్క్ లు ఉండవు. ప్రేక్షకులు తమకు నచ్చిన వారికి ఓట్లు వేయవచ్చు. ఇక ఎక్కువ ఓట్లు వచ్చిన కంటెస్టెంట్ బిగ్ బాస్ విన్నర్ అవుతారు. ఇది ప్రణాళిక.
అయితే ప్రస్తుతం బయట ఉన్న పరిస్థితులను చూస్తుంటే ఏదో ట్విస్ట్ వచ్చేలా ఉందని అందరూ అంటున్నారు. విషయం ఏమిటంటే మొదటినుండి టైటిల్ ఫేవరెట్ గా కొనసాగుతున్న అభిజిత్ ఏ దశలోనూ షో పైన తన నియంత్రణ కోల్పోలేదు. అయితే అతనికి సోహెల్, అఖిల్ నుండి గట్టి పోటీ ఉన్నప్పటికీ చాలా నిలకడగా ఆడుతున్నాడు. ఇక ఈ 14 వారాలు పోలింగ్ గమనిస్తే అభిజిత్ ప్రతిసారి అందరికన్నా ఎక్కువ ఓట్లు సంపాదించినట్లు తెలుస్తోంది.
అయితే చివరి వారాల్లో తనదైన శైలిలో టైటిల్ రేసులోకి దూసుకొని వచ్చిన అరీయానా కి కూడా ఈసారి టైటిల్ గెలిచే అవకాశాలు ఉన్నాయని అంటున్నారు. గత మూడు సీజన్లలో మగవారే టైటిల్ను ఎగరేసుకుని పోయారు. ఇక ఈసారి కూడా ఒక మేల్ కంటెస్టెంట్ కు వస్తే ఈ షో లో అమ్మాయిలు గెలవలేరు అనే భావన ఏర్పడుతుందని కాబట్టి అరీయానా కు టైటిల్ వరించే అవకాశం ఉందని అభిప్రాయపడుతున్నారు.
గత రెండు రోజుల నుండి కూడా అనూహ్యంగా కొన్ని ప్రైవేట్ పోల్స్ లో అరీయానా కు ఎక్కువ ఓట్లు వచ్చినట్లు చూపిస్తుండటం గమనార్హం. ఇక రామ్ గోపాల్ వర్మ, దేవి నాగవల్లి వంటివారు కూడా ఆమెకు మద్దతు పలికిన తీరు మారుతున్న సమీకరణాలు చూస్తుంటే బోల్డ్ పాప ఏదో సంచలనం సృష్టించేలాగే ఉంది.
