Karate Kalyani :పరిచయం అక్కర్లేని పేరు. తను బిగ్ బాస్ కంటే ముందు చాలా సినిమాల్లో నటించింది. ముఖ్యంగా కృష్ణ సినిమాలో బాబీ అనే క్యారెక్టర్ తన కెరీర్ లోనే గుర్తుండిపోయే పాత్ర. బ్రహ్మానందంతో కలిసి కరాటే కళ్యాణి చేసిన కామెడీ మామూలుగా ఉండదు. తను క్యారెక్టర్ ఆర్టిస్టుగా చాలా సినిమాల్లో నటించినప్పటికీ.. తనకు ఎక్కువ గుర్తింపు వచ్చింది మాత్రం బిగ్ బాస్ 4 వల్లనే. అవును.. బిగ్ బాస్ హౌస్ లో తను ఉన్నది రెండు వారాలే అయినా.. అటు కంటెస్టెంట్లతో, ఇటు ప్రేక్షకులతో మంచి కనెక్షన్ ఏర్పరుచుకున్నది కరాటే కళ్యాణి.
కరాటే కళ్యాణి అసలైన జీవితం ఏంటి? తను సినిమాలే కాక ఇంకేం చేస్తుంది. తనకు పెళ్లి అయిందా? లేదా? అనే చాలా విషయాలు బిగ్ బాస్ ద్వారానే తెలుగు ప్రేక్షకులకు తెలిశాయి.
తను ఓ పిల్లాడిని దత్తత తీసుకొని పెంచుకుంటోంది. ఆ పిల్లాడికి చేతన్ అనే పేరు పెట్టింది. అతడే కరాటే కళ్యాణికి అన్నీ. తనను ఎంతో బాగా చూసుకుంటుంది. రీసెంట్ గా చేతన్ బర్త్ డే వేడుకలను కూడా కళ్యాణి ఘనంగా నిర్వహించింది.
బిగ్ బాస్ 4 కంటెస్టెంట్లను ఆహ్వానించిన Karate Kalyani
అయితే.. తన కొడుకు బర్త్ డే వేడుకలకు చాలామంది సెలబ్రిటీలను పిలిచి గ్రాండ్ గా పార్టీ ఇచ్చింది కళ్యాణి. బిగ్ బాస్ 4 కంటెస్టెంట్లను కూడా ఆహ్వానించడంతో దివి, సోహెల్, అరియానా, కుమార్ సాయి, అవినాష్.. బర్త్ డే వేడుకలకు హాజరయ్యారు. పార్టీలో హంగామా చేశారు. ఆటపాటలతో కాసేపు సరదాగా గడిపారు.
దానికి సంబంధించిన వీడియోను కరాటే కళ్యాణి తన యూట్యూబ్ అకౌంట్ లో షేర్ చేసింది. మీరు కూడా ఆ వీడియోను ఓసారి చూసేయండి మరి..