Phobias : మనుషులకి ఉండే రకరకాల ఫోబియాల గురించి తెలుసుకుందాం..
ఎయిరోఫోబియా (Aerophobia)ఉన్నవారు విమాన ప్రయాణాలంటే భయపడతారు. విమానాలకి ప్రమాదం జరిగితే అని ఊహిస్తే ఈ ఫోబియా ఉన్నట్టే లెక్క . నలుగురితో చెప్పక పోయిన, ప్రతి ముగ్గురి లో ఒకరికి ఈ భయం ఉంటుందని మానసిక నిపుణులు చెబుతున్నారు.
ఆక్రోఫోబియా (Acrophobia)ఉన్నవారుఎత్తైన ప్రదేశాలంటే బాగా భయపడుతుంటారు.
ఆర్కనోఫోబియా (Arachnophobia)ఉన్నవారు సాలీడులేదా అలాంటి ఇతర పురుగులనుకనిపించినప్పుడు భయపడతారు. ఈ ఫొబియా ఉన్న వారు పురుగుల ఫొటో లను కూడా చూడలేరట.
సైనో ఫోబియా (Cynophobia)ఉన్నవారు కుక్కలు అంటే ఎక్కువగా భయపడతారు.
ఆస్ట్రాఫోబియా (Astraphobia)ఉన్నవారు ఉరుములు, మెరుపులు వచ్చినప్పుడు భయపడుతూ ఉంటారు.
ఆఫిడియోఫోబియా (Ophidiophobia)ఉన్నవారు పాములంటే చాలామంది భయపడతారు. అయితే వీరు గతంలోని అనుభవాలు, వేరే సంఘటనలో తమను ఉంచి ఊహించుకోవడం, చుట్టూ ఉండే పరిస్థితుల వల్ల పాము లంటే మరింత ఎక్కువగా భయపడతారు.
టైపనోఫోబియా (Trypanophobia)ఉన్నవారు ఇంజెక్షన్లు అంటే భయపడతారు. ఈ భయం ఉన్న వారు హాస్పిటల్స్ అన్న డాక్టర్స్ అన్న వెనుకడుగు వేస్తుంటారు.
అగొరాఫోబియా (Agoraphobia)ఉన్నవారు కొన్ని పరిస్థితుల్లో ఒంటరిగా ఉండేందుకుభయపడుతుంటారు.
మైసోఫోబియా (Mysophobia) ఉన్నవారు క్రిములు, అశుభ్రత అంటే ఎక్కువ భయపడతారు . దీని వల్ల ఎక్కువ శుభ్రం గా ఉండడానికి ప్రయత్నిస్తూ ఉంటారు. చిటికీ మాటికి చేతులు శుభ్రం చేసుకోవడం, వస్తువులను ఎక్కువ శుభ్రం చేయడం వంటివి చేస్తుంటారు.ఏదైనా అశుభ్రం గా ఉంటే ఆందోళన చెందుతుంటారు.
సోషల్ ఫోబియా (Social Phobia)ఉన్నవారు ఇతరులతో తొందరగా కలవలేరు. ఎక్కువ మంది వచ్చే చోట్ల కు వెళ్లాలంటే ఇబ్బంది పడుతుంటారు. తమలో ఉన్న ఫోబియాలను గుర్తించి అధిగమించేందుకు సరయిన మార్గం ఎంచుకోవటం అవసరం.
