ఆంధ్రప్రదేశ్ లో ఈఎస్ఐ కుంభకోణం ప్రస్తుతం హాట్ టాపిక్. మాజీ మంత్రి అచ్చెన్నాయుడు ఇదే కుంభకోణంలో అరెస్టు అయిన విషయం తెలిసిందే. ఇదే కేసులో ప్రముఖ పాత్ర పోషించినట్లు అభియోగాలు ఉన్న మాజీ డైరెక్టర్ డాక్టర్ గాడి విజయ్ కుమార్ ను ఏసీబీ అధికారులు అరెస్టు చేశారు. విజయవాడకు చెందిన ఏసీబీ సెంట్రల్ ఇన్వెస్టిగేషన్ యూనిట్ శుక్రవారం రాజమహేంద్రవరం చేరుకుని విజయ్ కుమార్ ను ఆయన స్వగృహంలో అరెస్ట్ చేసి విజయవాడ కు తరలించిన విషయం తెలిసిందే.
అయితే ఈఎస్ఐ ఆస్పత్రులకు సరఫరా చేసే మందుల మరియు పరికరాల్లో భారీ కుంభకోణం జరిగినప్పుడు ఈ విజయ్ కుమారే డైరెక్టర్ గా ఉన్నాడు. అతని పై ముందే తీవ్రమైన ఆరోపణలు వెల్లువెత్తాయి కానీ చివరికి ఏసీబీ అధికారుల దర్యాప్తులో నిజాలు నిగ్గుతేలడంతో విజయకుమార్ ను అరెస్టు చేశారు. ఇప్పుడు ఇందులో అచ్చెన్నాయుడి పాత్ర ఏమిటంటే…. ప్రభుత్వం తరఫున ఈ అవినీతి పనులకు సహకరించి ఆ బిల్లుల పై సంతకం చేసి వాటిని ముందుకు పంపించడమే.
ఇదిలా ఉండగా.. కాకినాడకు చెందిన విజయకుమార్ రాజమహేంద్రవరం ఈఎస్ఐ హాస్పిటల్ లో రేడియాలజిస్ట్ గా విధులలో చేరి ఇక్కడే ఎక్కువ కాలం విధులు నిర్వహించి ఈఎస్ ఐ హాస్పిటల్ సూపరింటెండెంట్ గా బాధ్యతలు నిర్వహించారు. ఆ తరువాత విజయవాడ ఈఎస్ ఐ హాస్పిటల్స్ ఇన్ చార్జ్ డైరెక్టర్ గా బాధ్యతలు నిర్వహిస్తున్న సమయంలో మందులు పరికరాల కొనుగోళ్లలో కుంభకోణం జరిగినట్టు ఆరోపణలు వచ్చాయి.
