Cervical Cancer : కొన్ని ప్రాణాంతక అనారోగ్య సమస్యలు చివరి స్టేజి చేరుకునే వరకు మనకు తెలియదు. ఆ కోవలోకి చెందినదే సర్వైకల్ కేన్సర్. ఇది 33–45 సంవత్సరాల మధ్య ఉన్న ఆడవారిలో కనిపిస్తుంది. ప్రస్తుత కాలంలో ఈ కాన్సర్ వలన ఎంతో మంది ప్రాణాలు కోల్పోతున్నారు. అసలు ఈ సర్వైకల్ కేన్సర్ అంటే ఏమిటి? ఎలా సోకుతుంది? నివారణ మరియు చికిత్స గురించి తెలుసుకోవడం చాలా ముఖ్యం.
సర్వైకల్ కేన్సర్ వివిధ కారణాల వలన సోకుతుంది. అలాగే ఈ సర్వైకల్ కేన్సర్ సెక్సువల్ ఇన్ఫెక్షన్ వల్ల కూడా రావచ్చు.
కొన్ని అసాధారణ సందర్భాలలో శరీరానికి పాపిలోమా వైరస్ సోకినపుడు ఇవి కేన్సర్ కార కాలుగా మారతాయి.
ఈ సర్వైకల్ కేన్సర్ను గుర్తించడానికి కొన్ని మార్గాలు ఉన్నాయి… అవి ఏమిటంటే… మొదటిది రెగ్యూలర్ స్క్రీనింగ్. ఆ తరువాత 3 ఏళ్లకు ఒకసారి హెచ్పీవీ, పీఏపీ, డీఎన్ఏ పరీక్షల ద్వారా ఈ కాన్సర్ ను గుర్తించవచ్చు.
ఇక ఈ సర్వైకల్ కాన్సర్ లక్షణాల విషయానికి వస్తే…
పిరియడ్స్ సమయంలో రక్తస్రావం అధికంగా అవ్వటం, నెలసరి మధ్యలో కూడా తరచూ రక్తస్రావం జరగడం అలాగే యోనిలో తీవ్రమైన నొప్పి కలగటం వంటి లక్షణాలు కనిపిస్తాయి.
సర్వైకల్ కాన్సర్ లో ప్రధమంగా నాలుగు స్టేజెస్ ఉంటాయి.
- మొదటి స్టేజీ లో యూట్రస్లో సర్వైకల్ కేన్సర్ కణాలు వృద్ధి చెందుతాయి.
- రెండో స్టేజీ లో యూట్రస్ లో వృద్ధి చెందిన కణాలు యోని బయట వైపు కూడా వృద్ధి చెందుతాయి.
- మూడో స్టేజీ లో వీటి ప్రభావం నేరుగా కిడ్నీలపై పడుతుంది
- ఇక చివరిగా నాలుగవ స్టేజీ లో లోపలి శరీరం లోపలి అవయవాల అన్నిటిపై ప్రభావం పడుతుంది.
సర్వైకల్ కాన్సర్ సోకడానికి గల కారణాలు ఏమనగా…
ఎక్కువగా ఈ సర్వైకల్ కేన్సర్ హెచ్పీవీ ఇన్ఫెక్షన్ ద్వారా వస్తుంది. ఈ కేన్సర్ ఎక్కువగా సెక్సువల్గా యాక్టివ్గా ఉండే వ్యక్తుల్లో కనిపిస్తుంది.