పిల్లలు కొత్త విషయాలు నేర్చుకోవడంలో ఒక్కొక్కరి పద్దతి ఒక్కోలా ఉంటుంది. అందుకే ఏ ఇద్దరు పిల్లలనూ పోల్చి చూసుకోకూడదు.అలాగని పిల్లల తెలివితేట లను, శక్తి సామర్థ్యాలను మార్కులలో కొలవడం కూడా సరియైన పని కాదని నిపుణులు హెచ్చరిస్తున్నారు. అయితే పెద్దవాళ్లు ఈ విషయాలను ఎంత వరకు అర్థం చేసుకోగలుగుతున్నారన్నది అసలు పాయింట్.
తలిదండ్రుల తమ ఆలోచనలను, లక్ష్యాలను పిల్లలపై ఎట్టి పరిస్థితుల్లోనూ మోపకూడదు . మార్కులు బాగా రాలేదని , టీచర్లు ఇచ్చిన అసైన్మెంట్ సరిగా పూర్తి చేయలేదనో వారిని శిక్షించడం మంచిది కాదు . తెలిసి తెలియని వయసులో ఇలా చేయడం వల్ల పిల్లలు మానసికంగా దెబ్బతింటారు. తల్లిదండ్రులు పిల్లల ఎదుగుదలకు సహకారం అందించాలి. ఒక వ్యక్తి యొక్క విజయం, వైఫల్యాన్ని చెప్పడానికి ఎలాంటి ప్రమాణాలు లేవని పెద్దవాళ్లు గుర్తుంచుకోవాలి.
పిల్లలకు సంబందించిన కొన్ని అంశాల మీద అవగాహన పెంచుకోవడం వలన తల్లిదండ్రులు పిల్లల మానసిక ఉన్నతికి సహకరించవచ్చు .చదివిన చదువులు, మాత్రమే పిల్లల తెలివితేటలకు కొలమానం కాదని తల్లిదండ్రులు తెలుసుకోవాలి . ఆటపాటలు, జీవిత నైపుణ్యాలు, ఎక్స్ట్రా కరిక్యులర్ యాక్టివిటీలు వంటివి ర్యాంకుల కంటే కూడా గొప్పవి అని గుర్తు పెట్టుకోవాలి. మన విద్యావ్యవస్థ లో ఇలాంటి విషయాల గురించి ఎవరూ వివరించరు. ఎప్పుడు పరీక్షలు, మార్కులు, ర్యాంకులు అంటూ విద్యార్థుల పై ఒత్తిడి పెంచుతుంటారు . దాన్ని తల్లిదండ్రులు సరిదిద్దాలి.
పిల్లలు కేవలం డాక్టర్ లేదా ఇంజనీర్ మాత్రమే కావాలని అనుకోకుండా జీవితం లో సంతృప్తిని పొందగలిగే వృత్తిలో ఉండాలని భావించాలి. ఆవిధం గా వారిని ముందుకు నడిపించాలి.జీవితం లో ఉన్నత స్థానానికి చేరుకోవడానికి ఆఫ్బీట్ కోర్సులు, వృత్తి నైపుణ్యాలు, సంబంధించిన కోర్సులు ఎన్నో అందుబాటులో ఉన్నాయి. ఇలాంటి వాటి గురించివివరాలు సేకరించండి. పిల్లల కు ఉండే అభిరుచులు, ఆసక్తులకు సరిపోయే ఒక కోర్సు లో చేర్పించండి. ఈ ప్రపంచం లో విద్య కంటే ముఖ్యమైన విషయాలు చాల ఉన్నాయి.
విభిన్న వ్యక్తు లతో వ్యవహరించే పద్ధతులు, పరిస్థితులను ఎదురుకోవడం లో నైపుణ్యాలు వంటివి ఏ పుస్తకాల్లో ఉండవు. అవి తెలిసేలా చేయవలిసిన బాధ్యత పూర్తిగా మీదే అని గుర్తు పెట్టుకోండి. పిల్లలకు ఇలాంటి నైపుణ్యాలు లేకపోతే, వారు ఎంత చదివిన వృథా అయినట్లే. జీవన నైపుణ్యాలకు మార్కులతో అసలు సంబంధం లేదు. ఇవన్నీ ఏ పుస్తకాల్లో దొరకవు . అందుకే భావోద్వేగాలను ఎలా నిర్వహించాలో తల్లిదండ్రులు వారికి తెలియ చెప్పాలి .