తన పుట్టినరోజు సందర్భంగా బాలయ్య తన అభిమానులకు ఇచ్చిన గిఫ్ట్ ఇప్పుడు ఆన్ లైన్ లో హల్ చల్ చేస్తుంది. తన తండ్రి నటించిన సినిమాలోని ఆరు నిమిషాల పైగా ఉన్న ఈ “శివశంకరి, శివానంద లహరి” పాటను బాలయ్య… ఎంతో కష్టంగా ఉన్నా, అలవోకగా పాడేసి అభిమానాలకు గిఫ్ట్ ఇచ్చారు. ఇక మరో బంపర్ సర్ప్రైజ్ ఇచ్చిన బాలయ్య… బోయపాటితో తీస్తున్న తన 106వ సినిమా టీజర్ కూడా రిలీజ్ చేసారు. బోయపాటి – బాలయ్య హిట్ కాంబినేషన్ లో వస్తున్న మూడవ సినిమా ఇది. టీజర్ లో బాలయ్య.. ఎప్పుడూ కనిపించన లుక్ లో, తెల్ల లుంగీ కట్టుకుని, మీసం తిప్పి ఉన్న మాస్ లుక్ లో అభిమానులను అలరించారు. ఆ సంగతులు అలా ఉంటే…ఈ టీజర్ లో బాలయ్య చెప్పిన ఒక డైలాగ్ ఇప్పుడు హాట్ టాపిక్ అయ్యింది.
“ఎదుటివారితో మాట్లాడేటప్పుడు ఎలా మాట్లాడాలో నేర్చుకో” అంటూ మొదలుపెట్టిన బాలయ్య… “శీనుగారూ మీ నాన్న గారు బాగున్నారా అనేదానికి… శ్రీనుగారు మీ అమ్మా మొగుడు బాగున్నాడా అనేదానికి చాలా తేడా ఉందిరా లంబిడీకొడకా” అని చెప్పే డైలాగ్ హాట్ టాపిక్ అయ్యింది. అయితే… ఈ డైలాగును ఏపీ మంత్రి కొడాలి నానీ ని ఉద్దేశించే పెట్టారా అంటూ సోషల్ మీడియాలో హడావిడి జరుగుతుంది. ఈ మద్యకాలంలో “నీ అమ్మ మొగుడు” అనే డైలాగును కొడాలినాని తెగ వాడేశారు. దీంతో ఈ దెబ్బతో నానీకి ఒక క్లాస్ పీకినట్లు ఉంటుంది అనుకున్నారో లేక ఈ సినిమాపై మరింత అంచనాలు పెంచే ఉద్దేశ్యమో తెలియదు కానీ… ఎత్తుకోవడం ఎత్తుకోవడమే ఈ డైలాగ్ తో మొదలుపెట్టిన బాలయ్య ఏపీ రాజకీయాల్లో మరింత హీట్ పెంచారు. అయితే… ఈ విషయాలపై తన సన్నిహితుల వద్ద స్పందించిన నానీ… ఇవన్నీ పట్టించుకుంటే కష్టం, రాజకీయాల్లో ఉన్నాం కదా తిట్టేవాడూ ఉంటాడు పొగిడేవాడు ఉంటాడు అని లైట్ తీసుకున్నారట!
కాగా… హిందూపురం ఎమ్మెల్యే, టాలీవుడ్ హీరో, నందమూరి బాలకృష్ణ 60వ ఏట అడుగుపెట్టారు. ఈ సందర్భంగా.. నందమూరి బాలకృష్ణ అభిమానులు, బంధుమిత్రుల హడావిడి ఎక్కువగానే ఉంది. ఆన్ లైన్ లో వివిధ మాధ్యమాల ద్వారా బాలయ్యకు పుట్టిన రోజు శభాకాంక్షలు తెలుపుతూ అభిమానులు హడావిడి చేస్తున్నారు. ముఖ్యంగా ఇది బాలయ్యకు షష్టిపూర్తి ఏడాది కావటంతో ఈ హడావిడి కొంచెం ఎక్కువగానే ఉంది. అయితే ఈ ఏడాది కరోనా మహమ్మారి ఉండటంతో ఎలాంటి వేడుకలు జరుపుకోవద్దు అని, అలాగే ఎలాంటి సేవా కార్యక్రమాలు చేసినా బౌతిక దూరం పాటిస్తూ చెయ్యాలని బాలయ్య పిలుపు ఇచ్చారు.
