Acharya: ఆర్ఆర్ఆర్ హడావుడి దాదాపు ముగిసినట్టే. ఇప్పుడు బీస్ట్, కేజీఎఫ్ 2 చిత్రాల హడావిడి, వరుణ్ తేజ్ గని సినిమా సందడి మొదలైంది. ఈ వారం గని సినిమా రిలీజ్ కాబోతుండగా ఆపై వారం కేజీఎఫ్ 2 వర్సెస్ బీస్ట్ బాక్సాఫీస్ వద్ద బరిలో దిగుతున్నాయి. ఇక ఈ నెల ఆఖరున 29వ తేదీన ఆచార్య సినిమాను భారీ స్థాయిలో రిలీజ్ చేయబోతున్నారు. దాంతో మెగాస్టార్ అభిమానులకు ‘ఆచార్య’ టీమ్ నుంచి సర్ ప్రైజ్ ప్లాన్ చేస్తున్నట్టు తెలుస్తోంది. మెల్లగా ఈ సినిమా ప్రమోషన్స్ మొదలు పెట్టేందుకు మేకర్స్ రెడీ అవుతున్నారు.
ఈ నేపథ్యంలో ముందుగా మెగా ఫ్యాన్స్ ఊహించని స్పెషల్ ట్రీట్ ఇవ్వబోతున్నారట. కొరటాల శివ అత్యంత ప్రతిష్ఠాత్మకంగా ఈ మూవీని తెరకెక్కించారు. ఇందులో కాజల్ అగర్వాల్, పూజా హెగ్డే హీరోయిన్‌గా, సంగీత, రెజీనా స్పెషల్ సాంగ్స్‌లో, సోనూసూద్ లాంటి వారు కీలక పాత్రల్లో నటించారు. మెగాస్టార్-మెగా పవర్ స్టార్ ఒకే ఫ్రేమ్ లో కలిసి చూసేందుకు అభిమానులతో పాటు అందరూ ఎంతో ఆసక్తిగా ఎదుచూస్తున్నారు. ఇక ఆర్ఆర్ఆర్ సినిమా రేంజ్‌లో ఆచార్య ప్రమోషన్స్ ప్లాన్ చేస్తున్న మేకర్స్ ముందుగా చిరు – చరణ్‌లపై తెరకెక్కించిన పాటను వదలబోతున్నారు.
Acharya: చరణ్ రెండు సినిమాలు, చిరు చేతిలో మరో నాలుగు చిత్రాలున్నాయి.
ఇప్పటికే, మూడు పాటలు వచ్చి భారీగా అంచనాలను పెంచాయి. ఇప్పుడు రాబోతున్న నాలుగవ పాటలో చిరు-చరణ్ కనిపించడం పెద్ద సర్‌ప్రైజ్ అని చెప్పాలి. మణిశర్మ అదిరిపోయే సాంగ్ కంపోజ్ చేశారట. ఈ సాంగ్ పిక్చరైజేషన్ విజువల్ ట్రీట్ అని అంటున్నారు. మొత్తానికి ఏప్రిల్ రెండవ వారం నుంచి మెగా సందడి మొదలవబోతోంది. మరి ఈ మెగా మల్టీస్టారర్ గ్రాండ్ ప్రీ రిలీజ్ ఈవెంట్ ఏ రేంజ్‌లో జరపనున్నారో..ఎలాంటి సక్సెస్ సాధిస్తుందో అని అందరూ ఆతృతగా ఎదురుచూస్తున్నారు. కాగా, చరణ్ ఇప్పటికే రెండు సినిమాలు కమిటవగా, చిరు చేతిలో మరో నాలుగు చిత్రాలున్నాయి.
Baahubali: సరికొత్త కథతో ఓటీటీలోకి వచ్చేస్తున్న బాహుబలి.. రిలీజ్ డేట్ ఇదే..!