King Kong : కింగ్ కాంగ్ King Kong: సినిమాల్లో హీరోలకు ఫ్యాన్స్ ఉంటారు. వీరిలో అభిమానులు, వీరాభిమానులు ఉంటారు. అభిమానులు సినిమా చూసి ఆనందిస్తే.. వీరాభిమానులు ఓపెనింగ్ షో హడావిడి, బ్యానర్లు, కటౌట్లు కట్టడం, పాలాభిషేకాలు, దండలు వేయడం, ధియేటర్లను అలంకరించడం, హీరో ఎంట్రీ ఇవ్వగానే తెరపై పువ్వులు, డబ్బులు విసరడం, హారతులు పట్టడం.. ఇలాంటివి గతంలో జరిగాయి.. ఇప్పుడూ జరుగుతున్నాయి. ఆయా హీరోలపై ఉండే అభిమానం అది. ఈ క్రమంలో హీరోలకు, హీరోయిన్లకు, దర్శకులకుకూడా బ్యానర్లు, కట్టడం చూశాం కానీ.. జంతువులకు కూడా బ్యానర్లు కట్టడం అభిమానులుగా చెప్పుకోవడం.. ఎప్పుడూ వినుండం.. చూసుండం. కానీ.. అటువంటి అరుదైన ఘట్టం విజయవాడ, వరంగల్ లో జరిగింది.
ఈ బుధవారం ప్రపంచవ్యాప్తంగా ‘గాడ్జిల్లా వర్సెస్ కాంగ్’ సినిమా విడుదలైంది. తెలుగులో కూడా రిలీజ్ చేశారు. విజయవాడలోని నవరంగ్ ధియేటర్ వద్ద కాంగ్ యూత్ ఫోర్స్ పేరుతో వెలసిన ఈ పోస్టర్ పై అభిమానుల పేర్లు కూడా ఉన్నాయి. ‘గాడ్జిల్లా వర్సెస్ కాంగ్’ సినిమాకు విచ్చేయుచున్న అభిమానులకు స్వాగతం అంటూ పేర్కొన్నారు. కింగ్ కాంగ్ అభిమానులకు, ధియేటర్ యాజమాన్యానికి శుభాకాంక్షలు అని కూడా పేర్కొన్నారు. వరంగల్ లో కూడా ఇదే తరహాలో ‘వరంగల్ కాంగ్ అభిమానుల సంఘం’ అనే బ్యానర్ వెలిసింది. ప్రస్తుతం ఈ విషయం సోషల్ మీడియాలో బాగా వైరల్ అయింది. గతంలో విజయవాడలో జాకీచాన్ కు కూడా అభిమాన సంఘం ఉండేది.
90ల్లో జాకీచాన్ సినిమాలు విడుదలైతే విజయవాడ జాకీచాన్ ఫ్యాన్స్ అని బ్యానర్లు వెలిసేవి. సినిమా పరిశ్రమ ఉన్నది హైదరాబాద్ లోనే అయినా.. సినిమాకు రాజధాని మాత్రం విజయవాడ అనే చెప్పాలి. ఇక్కడ సినీ అభిమానులు ఎక్కువ. సినిమాకు ఆదరణ ఎక్కువ. విజయవాడలో తొలి ఆట పడ్డాక వచ్చే టాక్ నిర్మాతలకు వేదం. ఎన్నో సినిమాలు సిల్వర్, గోల్డెన్, డైమండ్ జూబ్లీలు జరుపుకున్న నగరం. ఇలాంటి విజయవాడలో గాడ్జిల్లా వర్సెస్ కాంగ్ సినిమాకు బ్యానర్లు కట్టారు కొందరు. ఈ సినిమాకు అభిమానులుగా పేర్కొన్నారు. ఈ బ్యానర్ విశేషంగా ఆకట్టుకుంటోంది. కింగ్ కాంగ్ కు అభిమానులా.. అనేకంటే వారికి సినిమాపై ఉన్న అభిమానం ఇక్కడ ప్రముఖంగా నిలిచింది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!