siddharth: సాధారణంగా ఒక భాషలో ఒక సినిమా విజయం సాధించిందంటే ఆ సినిమాను వివిధ భాషలలో తెరకెక్కించడం కొత్తేమి కాదు.ఆ విధంగా పలు భాషలలో మంచి విజయం సాధించిన సినిమాలు తెలుగులో రీమేక్ అయి ఘన విజయం సాధించినవి కూడా ఉన్నాయి. ఒకప్పుడు ఇతర భాషలలో విజయం సాధించిన సినిమాలు తెలుగులో రీమేక్ చేసేవారు. ప్రస్తుతం తెలుగు సినిమాలను కూడా ఇతర భాషల్లో రీమేక్ చేస్తూ మంచి విజయాలను అందుకున్నారు. సాధారణంగా ఒక సినిమా 2,3 భాషలలో రీమేక్ చేస్తే గొప్ప విషయంగా చెబుతుంటారు. అదే సినిమా అంతకన్నా ఎక్కువ భాషలలో రీమేక్ చేస్తే అది ఒక రికార్డు అని చెప్పవచ్చు.
గతంలో మన తెలుగు హీరో మహేష్ బాబు – పూరీ జగన్నాథ్ కాంబినేషన్లో తెరకెక్కిన పోకిరి సినిమా, రవితేజ -రాజమౌళి దర్శకత్వంలో తెరకెక్కిన విక్రమార్కుడి వంటి చిత్రాలు నాలుగు భాషలలో రీమేక్ అయ్యి అద్భుతమైన విజయాన్ని సాధించాయి. అయితే ఈ సినిమాలో మాత్రమే గొప్ప అనుకుంటే మన పొరపాటు పడినట్టే… సిద్ధార్థ , త్రిష జంటగా నటించిన “నువ్వొస్తానంటే నేనొద్దంటానా”చిత్రం తెలుగులో ఎంతటి విజయాన్ని సాధించిందో మనకు తెలిసిందే. సూపర్ హిట్ సాధించిన ఈ చిత్రం ఏకంగా 9 భాషలలో రీమేక్ అయి రికార్డ్ సృష్టించింది. బహుశా ఈ సినిమా రికార్డు గురించి చాలా మందికి తెలియక పోవచ్చు. ఒక ధనవంతుడైన అబ్బాయి పేదరికంలో ఉన్న అమ్మాయిని ప్రేమించి ఏ విధంగా పెళ్లి చేసుకున్నాడనే నేపథ్యంలో దర్శకుడు ప్రభుదేవా ఎంతో అద్భుతంగా తెరకెక్కించారు. 9 భాషలలో రీమేక్ అయ్యి అద్భుతమైన విజయాన్ని సాధించిన ఈ సినిమా ఏ భాషలో ఎలాంటి టైటిల్స్ పెట్టారో ఇక్కడ తెలుసుకుందాం..
రీమేక్ అయిన భాషలు :
1) తమిళంలో ‘ఉనక్కం ఎనక్కం’పేరుతో రీమేక్ అయింది.
2) కన్నడలో ‘నీనెల్లో నానల్లే’ పేరుతో రీమేక్ చేశారు.
3) బెంగాలీలో ‘ఐ లవ్ యు’ పేరుతో రీమేక్ చేశారు.
4) మణిపురిలో ఈ చిత్రాన్ని ‘నింగోల్‌ తజబ’ పేరుతో రీమేక్ చేశారు.
5) ఒడియాలో ‘సునా ఛాదీ మో రూపా ఛాదీ’ పేరుతో రీమేక్ చేసారు.
6) పంజాబీలో ‘తేరా మేరా కీ రిష్తా’ పేరుతో రీమేక్ చేశారు.
7) హిందీలో ఈ చిత్రాన్ని ‘రామయ వస్తావయ’ పేరుతో రీమేక్ చేశారు.
8) బంగ్లాదేశ్ లో ‘నిస్సా అమర్ తుమీ’ పేరుతో రీమేక్ చేశారు.
9) నేపాలిలో ఈ సినిమాను ‘ది ఫ్లాష్ బ్లాక్: ఫర్కెరా హెర్దా’ పేరుతో రీమేక్ చేశారు.
తొమ్మిది భాషల్లో రీమేక్ అయిన ఈ చిత్రం అన్ని భాషలలో కూడా ఘన విజయం సాధించడం మరొక రికార్డ్ అని చెప్పవచ్చు.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!