నటుడు సూర్య భార్య, నటి జ్యోతికకు ఫారిన్ మినిస్టర్ ప్రశంసలు దక్కాయి. మలేషియన్ ఎడ్యుకేషన్ మినిస్టర్ మజ్లీ మాలిక్ ఆమెను పొగడ్తలతో ముంచెత్తారు. ఇటీవల జ్యోతిక `రాక్షసి` అనే ఓ సినిమాలో నటించారు. మిలిటరీ నుంచి రిటైర్ అయి వచ్చి, ఓ మారుమూల పల్లెటూళ్లో టీచర్గా పనిచేసే మహిళ కథ ఇది. ఆ స్కూల్లో ఉన్న ఇబ్బందులేంటి? వాటిని ఆమె ఎలా ఎదుర్కొంది? స్కూల్లో పిల్లలకు, టీచర్లకు, ఉపాధ్యాయులకు మధ్య ఆమె ఎలాంటి సత్సంబంధాలను ఏర్పరచింది? ఈ క్రమంలో రాజకీయనాయకులు, ప్రైవేటు స్కూళ్ల యాజమాన్యం ఆమెను ఎలాంటి ముప్పుతిప్పలు పెట్టాయి? వంటి విషయాలతో తెరకెక్కిన సినిమా ఇది. గీతా రాణి పాత్రలో జ్యోతిక నటనకు మంచి ప్రశంసలు దక్కాయి. మలేషియన్ మినిస్టర్ మాట్లాడుతూ “ప్రతి ఒక్కరూ రాక్షసిని చూడాలి. ఈ సినిమాలో గీతా రాణి పాత్ర చాలా స్ఫూర్తిమంతంగా ఉంది. విద్య విలువలను గురించి మాట్లాడే తీరు బావుంది. తల్లితండ్రులను, టీచర్లను, అధికారులను ఈ సినిమా చూడమని ప్రతిపాదిస్తున్నాను“ అని తెలిపారు.
previous post
next post