వరుణ్ తేజ్-వెంకటేష్ కలయికలో వచ్చిన మొదటి మల్టీస్టారర్ సినిమా ‘ఎఫ్2’. సంక్రాంతి అల్లుళ్లు అనే ట్యాగ్ లైన్ తో సంక్రాంతి కానుకగా ప్రేక్షకుల ముందుకి వచ్చిన ఈ సినిమా థియేటర్స్ లో హిలేరియస్ ఫన్ జనరేట్ చేసి, రిపీటెడ్ ఆడియన్స్ ని రాబడుతోంది. అనీల్ రావిపూడి తెరకెక్కించిన ఈ సినిమా బాక్సాఫీస్ దగ్గర కాసుల వర్షం కురిపిస్తూ ఇప్పటి వరకూ దాదాపు 100కోట్ల షేర్ రాబట్టింది.
దిల్ రాజుకి ‘ఎఫ్2’ సినిమా ఊహించని లాభాలు తెచ్చిపెట్టడంతో వచ్చే ఏడాది సంక్రాంతికి ‘ఎఫ్3’ విడుదల చెయ్యాలని భావిస్తున్నాడు. ప్రస్తుతం స్క్రిప్ట్ వర్క్ జరుపుకుంటున్న ఈ సీక్వెల్ లో వెంకీ-వరుణ్ తో పాటు రవితేజ కూడా ఉంటాడని, అంధుడి పాత్రలో మాస్ మహారాజ్ కనిపిస్తాడని, అందుకే ఈ సినిమాకి ‘ఎఫ్ 3’ అనే టైటిల్ ఫిక్స్ చేశారని ఇండస్ట్రీ వర్గాల్లో వినిపిస్తున్న టాక్. ఇది నిజమై వెంకటేష్-వరుణ్ తేజ్ లకి రవితేజ తోడైతే మాత్రం ఎఫ్ 2 మించిన కామెడీ ఎఫ్ 3లో చూడొచ్చు.
ఈ విషయంపై అధికారిక ప్రకటనైతే రాలేదు కానీ రాజా ది గ్రేట్ లాంటి హిట్ ఇచ్చిన అనీల్ రావిపూడి అడిగితే రవితేజ కాదంటాడా? పైగా ఎఫ్ 2 సూపర్ హిట్ కూడా అయ్యింది. సో అన్నీ అనుకున్నట్లు జరిగితే ఆ ఫన్ అండ్ ఫ్రస్ట్రేషన్ కి కొనసాగింపుగా రానున్న ఈ ఎఫ్ 3 సినిమా ఏప్రిల్ లో సెట్స్ పైకి వెళ్లే అవకాశం ఉంది.
Nani: ఓడియమ్మ.. నాని సీరియల్స్ లో నటించాడా?.. ఏ సీరియల్ అంటే…!