Rajamouli-Ravi Teja: మాస్ మహారాజ్ ర‌వితేజ‌కు ద‌ర్శ‌క‌ధీరుడు రాజ‌మౌళి ఊహించ‌ని షాక్ ఇచ్చారు. అస‌లు ఏం జ‌రిగిందంటే.. `క్రాక్‌` వంటి బ్లాక్ బ‌స్ట‌ర్ హిట్‌తో మాంచి కంబ్యాక్ ఇచ్చిన ర‌వితేజ ప్ర‌స్తుతం అర‌డ‌జ‌న్‌కి పైగా సినిమాలు చేస్తూ దూసుకుపోతున్నారు. ఈయ‌న చేస్తున్న చిత్రాల్లో `రామారావు ఆన్ డ్యూటీ` ఒక‌టి. శ‌ర‌త్ మండ‌వ ద‌ర్శ‌కుడిగా ప‌రిచ‌యం అవుతున్న ఈ చిత్రంలో దివ్యాంక కౌశిక్, రజిషా విజయన్ హీరోయిన్లుగా నటిస్తున్నారు.
అలాగే సీనియ‌ర్ హీరో తొట్టెంపూడి వేణు ఇందులో ఓ కీల‌క పాత్ర‌లో క‌నిపించ‌బోతున్నాడు. యథార్థ ఘ‌ట‌న ఆధారంగా రూపొందుతోన్న ఈ సినిమాను ఎస్‌ఎల్‌వీ సినిమాస్‌ ఎల్‌ఎల్‌పీ, ఆర్‌టీ టీం వర్క్స్‌ బ్యానర్లపై సుధాకర్ చెరుకూరి నిర్మిస్తున్నారు. షూటింగ్ తుది ద‌శ‌కు చేరుకోగా.. ఈ చిత్రాన్ని మార్చి 25న విడుదల చేయ‌బోతున్న‌ట్లు ఇటీవ‌లె మేక‌ర్స్ అధికారికంగా ప్ర‌క‌టించారు.
కానీ, ఇంత‌లోనే ఎవ‌రూ ఊహించ‌ని విధంగా రాజ‌మౌళి తాను ఎంతో ప్ర‌తిష్టాత్మ‌కంగా తెర‌కెక్కించిన భారీ మ‌ల్టీస్టార‌ర్ చిత్ర‌మైన `ఆర్ఆర్ఆర్‌`ను మార్చి 25న రిలీజ్ చేయ‌బోతున్న‌ట్లు నిన్న అనౌన్స్ చేశారు. ఇక ఆయ‌న దెబ్బ‌కు చేసేదేమి లేక మ‌న ర‌వితేజ‌నే దిగొచ్చారు. ఈ నేప‌థ్యంలోనే `రామారావు ఆన్ డ్యూటీ` రిలీజ్ డేట్‌ను పోస్ట్ పోన్ చేసే ఉద్ధేశంలో ఉన్న‌ట్లు తాజాగా నిర్మాత‌లు తెలియ‌జేశారు.
`మా చిత్రంపై మాకు ఎంత ప్రేమ ఉంటుందో, ఇతర చిత్రాల మీద అంతే గౌరవం ఉంటుంది. మార్చి 25న రామారావు ఆన్ డ్యూటీ సినిమాను విడుదల చేయాలనుకున్నాం. మారిన పరిస్థితుల దృష్ట్యా మార్చి 25న లేదా ఏప్రిల్ 15న విడుదల చేయాలని నిర్ణయించుకున్నాం` అని నిర్మాత‌లు వెల్ల‌డించారు. ఇక వీరి వ్యాఖ్య‌ల‌తో ర‌వితేజ సినిమా ఖ‌చ్చితంగా ఏప్రిల్ 15వ తేదీనే వ‌స్తుంద‌ని ఖాయ‌మైంది.
Nani: ఓడియమ్మ.. నాని సీరియల్స్ లో నటించాడా?.. ఏ సీరియల్ అంటే…!