ఎన్నికల వేళ రాజకీయ పార్టీలు సినిమా గ్లామర్ను వీలైనంతగా తమకు అనుకూలంగా వాడుకుంటూ ఉంటారు. అలాగే సినీ తారలు కూడా వారికి నచ్చిన రాజకీయపార్టీలకు తమ వంతు సహకారాన్ని ప్రచార రూపంలో చేయడానికి ముందుకు వస్తుంటారు. కొన్ని సందర్భాల్లో కొన్ని విచిత్రమైన సిట్యువేషన్స్ ఎదురవుతూ ఉంటాయి. అలాంటి పరిస్థితి నిన్న అక్కినేని అభిమానులకు ఎదురైంది. ఎలాగంటే.. అక్కినేని నాగార్జున వైసీపీకి అనుకూలమైన వ్యక్తి. ఇది అందరికీ తెలిసిన విషయమే. అయితే వీరి కుటుంబంలో కొత్తగా చేరిన కోడలు అక్కినేని సమంత మాత్రం టీడీపీ అనుకూలంగా ప్రచారం చేస్తుంది. అలాగని సమంత రాజకీయంగా టీడీపీకి సపోర్ట్ చేస్తోందా? అంటే అదీ లేదు. రేపల్లె టీడీపీ అభ్యర్థి అనగాని సత్యప్రసాద్కు అనుకూలంగా ఓ యాడ్ను రూపొందించారు. ఇందులో సమంత అనగాని సత్యప్రసాద్కు ఓటెయమని అందరికీ విజ్ఞప్తి చేయడం కొసమెరుపు. అక్కినేని అభిమానులకు ఇది ఓ రకంగా మింగుడు పడని విషయమే. మరి అక్కినేని ఫ్యామిలీ దీనిపై ఎలా స్పందిస్తుందో చూడాలి.
previous post
next post
Anchor Shyamala: యాంకర్ శ్యామలని చెప్పుతో కొట్టాలి.. శ్యామల పై నటుడు ఫైర్..!