ఈసారి మరింత గట్టిగా….

మేకింగ్ జీనియస్ శంకర్, విశ్వనటుడు కమల్ హాసన్ కలిసి దాదాపు 17 ఏళ్ల తర్వాత చేస్తున్న సినిమా ‘ఇండియన్ 2’. 1992లో వచ్చిన భారతీయుడు సినిమాకి సీక్వెల్ గా రాబోతున్న ఈ మూవీ నేటి నుంచి రెగ్యులర్ షూటింగ్ జరుపుకోనుంది.  నేషనల్ వైడ్ హాట్ టాపిక్ గా మారిన భారతీయుడు 2  పోస్టర్స్ తోనే వేడెక్కిస్తోంది. ఓల్డేర్, వైజర్, డెడ్లియర్ అనే ట్యాగ్ లైన్ తో బయటకి వచ్చిన ఈ పోస్టర్స్ లో కమల్ హాసన్ సేనాపతి పాత్రలో చాలా పవర్ ఫుల్ గా ఉన్నాడు. చొక్కాపై  భారతదేశపు మువ్వన్నెల జెండా బ్యాజ్ని పెట్టుకుని భారతీయుడు ఇస్తున్న వార్నింగ్ సూటిగా డేంజర్ బెల్ ని మోగిస్తోంది. ఇద్దరు పర్ఫెక్షనిస్టుల కలయికలో వస్తున్న ఇండియన్ 2 ఈసారి మర్మకళతో మరింత మాయ చేయడానికి రెడీ అవుతున్నారు. కూడుకున్న పోటు డెడ్లియర్ గా ఉంటుందని అర్థమవుతోంది. శంకర్ 2.0 చిత్రం ఈ గురువారంతో 50 రోజులు పూర్తి చేసుకున్న సంగతి తెలిసిందే. ఈ హిట్ ఇచ్చిన  జోష్ తో ఇండియన్ 2 సినిమాని రాజకీయ అవినీతిపై పూర్తి స్థాయిలో దృష్టి సారించేలా తెరకెక్కిస్తున్నారని తెలుస్తోంది.

2021 టార్గెట్ గా సెట్స్ పైకి వెళ్తున్న ఈ సినిమా ఫస్ట్ షెడ్యూల్ రామోజీ ఫిలింసిటీలో పూర్తి చేసుకున్న తర్వాత పాన్ ఇండియా, థాయ్ ల్యాండ్ ల్లోని అరుదైన లొకేషన్లలో శంకర్ ఈ చిత్రాన్ని తెరకెక్కించనున్నారు. కమర్షియల్ కథకి మెసేజ్ అద్దడంలో దిట్ట అయిన శంకర్, ఇండియన్ 2 సినిమాతో మరోసారి తన మార్క్ సెన్సేషన్ ని రిపీట్ చేయడానికి రెడీ అవుతున్నాడు.