The Family Man 2: ది ఫ్యామిలీ మేన్-2 The Family Man 2 వెబ్ సిరీస్ పై విమర్శలు వస్తున్నాయి. ది ఫ్యామిలీ మేన్ వెబ్ సిరీస్ ఘన విజయం తర్వాత రూపొందించిన ఈ సిరీస్ జూన్ 4న ప్రముఖ ఓటీటీ ప్లాట్ ఫాం.. అమెజాన్ ప్రైమ్ లో విడుదల కానుంది. ఇటివల విడుదలైన ట్రైలర్ మొదటి భాగం తర్వాత నెలకొన్న అంచనాలను పూర్తిగా అందుకుంది. దీంతో ఈ వెబ్ సిరీస్ కోసం అభిమానులంతా ఎదురుచూస్తున్నారు. ఈలోపు ఈ వెబ్ సిరీస్ ప్రదర్శనను నిలిపివేయాలని తమిళనాడు ప్రభుత్వం డిమాండ్ చేయడం సంచలనం రేపింది. ఈమేరకు తమిళనాడు ఐటీ మంత్రి టి.మనో తంగరాజ్ ఈమేరకు కేంద్ర మంత్రి ప్రకాశ్ జవదేకర్ కు ఓ లేఖ రాశారు.
‘ది ఫ్యామిలీ మేన్ 2 వెబ్ సిరీస్ ట్రైలర్ లో తమిళ టైగర్స్ ను తప్పుగా చూపించారు. ఇది శ్రీలంకలో దశాబ్దాలుగా తమ హక్కుల కోసం పోరాడుతున్న ఈలం తమిళుల్ని తప్పుగా చూపించడమే. దీర్ఘకాలంగా వారు ప్రజాస్వామ్యం కోసం వారు చేస్తున్న త్యాగాలను అవమానించడమే. ట్రైలర్ లో సమంత పాత్రను చూపించిన విధానంతో తమిళ ప్రజలు అవమాన భారంతో ఉన్నారు. ఇది తమిళ సంస్కృతిని వక్రీకరించి చూపడమే. ఈలం తమిళుల గౌరవాన్ని దెబ్బతీయకండి. దేశం ఆవల సమానత్వం, శాంతి, న్యాయం కోసం పోరాడుతున్న తమిళులను ఈ విధంగా చిత్రీకరించడం తగని పని. ఇలా తెరకెక్కించిన వారిపై చర్యలు తీసుకుని అమెజాన్ లో ప్రసారం కాకుండా బ్యాన్ విధించండి.’
Read More: Chiranjeevi: చిరంజీవి ఆ పాట విషయంలో నో అన్నారు..! కానీ.. సూపర్ హిట్టయింది..
ఈ వెబ్ సిరీస్ ప్రసారం అయితే తమిళనాడులో ప్రజల్లో సామరస్యాన్ని కాపాడుకోవడం కష్టం అవుతుంది. తమిళ నటి అయ్యుండీ తమిళ సంప్రదాయాలు, సంస్కృతికి భిన్నంగా నటించడం బాధాకరం. ’ అని అన్నారు. దీంతో ఈ వెబ్ సిరీస్ స్ట్రీమింగ్ పై అనుమానాలు రేకెత్తుతున్నాయి. దీనిపై ప్రకాశ్ జవదేకర్ ఏం నిర్ణయం తీసుకుంటారో చూడాలి. మనోజ్ బాజ్ పేయి, ప్రియమణి తదితరులు ఈ ఇందులో నటించారు. రెండో సిరీస్ లో సమంత నటించడంతో ఇంకా అంచనాలు పెరిగిపోయాయి. ఇందులో ఆమె ఉగ్రవాదిగా నటించింది. ఇందులో సమంత పాత్రతోనే ఇప్పుడు ఇబ్బందులు ఏర్పడ్డాయి. రాజ్, డీకే ద్వయం ఈ వెబ్ సిరీస్ ను తెరకెక్కించారు.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!