‘KGF 2’: ‘తూఫాన్’ వచ్చేస్తోంది..

”KGF 2′: టాలీవుడ్‌లో బాహుబలి సిరీస్ తర్వాత మళ్ళీ పాన్ ఇండియన్ సినిమాగా ఆ రేంజ్ క్రేజ్ అండ్ చరిత్ర సృష్ఠించిన సినిమా సౌత్‌లో అంటే కేజీఎఫ్ ఛాప్టర్ 1. కేవలం ఉగ్రం అనే ఒక్క సినిమా తీసిన ప్రశాంత్ నీల్ కేజీఎఫ్ ఛాప్టర్ 1 సినిమాతో ఏకంగా పాన్ ఇండియన్ డైరెక్టర్‌గా మారాడు. ఇక యష్ కూడా కన్నడ రాకింగ్ స్టార్‌గా సౌత్ సినిమా ఇండస్ట్రీలో అసాధారణమైన పాపులారిటీని సంపాదించుకున్నాడు. ఈ సినిమా వీరికి ప్రపంచ వ్యాప్తంగా మంచి క్రేజ్ వచ్చేసింది. దాంతో మేకర్స్ కేజీఎఫ్ ఛాప్టర్ 1 కి సీక్వెల్ సినిమాను చేయాలని ప్లాన్ చేశారు.

ఆ రకంగా కేజీఎఫ్ ఛాప్టర్ 1 చిత్రానికి సీక్వెల్ మూవీగా కేజీఎఫ్ ఛాప్టర్ 2 రూపొందించారు. ప్రస్తుతం ఈ సినిమా షూటింగ్ పూర్తి చేసుకొని శరవేగంగా పోస్ట్ ప్రొడక్షన్స్ వర్క్‌ను జరుపుకుంటోంది. అయితే, గత ఏడాది ఎప్పుడో కేజీఎఫ్ ఛాప్టర్ 2 టీజర్ వచ్చి యూట్యూబ్‌లో సంచలనం సృష్ఠించింది. మళ్ళీ ఆ రేంజ్ అప్‌డేట్ ఏదీ కేజీఎఫ్ ఛాప్టర్ 2 నుంచి రాలేదు. ప్రశాంత్ నీల్ పాన్ ఇండియన్ స్టార్ హీరోగా సలార్ అనే భారీ యాక్షన్ చిత్రాన్ని తెరకెక్కిస్తున్నారు. ఇందులో శృతి హాసన్ హీరోయిన్.

‘KGF 2’: ఆ సమయం ఇప్పుడు వచ్చింది.

దాంతో దర్శకుడు కేజీఎఫ్ ఛాప్టర్ 2 గురించి పట్టించుకోవడం లేదని అందుకే దీని నుంచి ఎలాంటి అప్‌డేట్స్ ఇవ్వడం లేదని టాక్ వినిపించింది. అయితే, ఆ వార్తలన్నీ అవాస్తవం అంటూ మేకర్స్ సాలీడ్ అప్‌డేట్ ఇచ్చి క్లారిటీ ఇచ్చారు. ఎప్పటి నుంచో అభిమానులు, ప్రేక్షకులు కేజీఎఫ్ ఛాప్టర్ 2 సినిమా నుంచి సాంగ్స్ విడుదల చేయాలని కోరుతున్నారు. ఆ సమయం ఇప్పుడు వచ్చింది. ఈ మూవీ నుంచి ఫస్ట్ సింగిల్ తూఫాన్ ను విడుదల చేయబోతున్నట్టు మేకర్స్ ప్రకటించారు. ఈ పాటను ఇదే నెల 21న ఉదయం 11 గంటల 7 నిమిషాలకి వదలబోతున్నట్టు ట్విట్టర్ వేదికగా వెల్లడించారు.

Get Ready! #Toofan is coming 🔥

'Toofan' Lyrical Video will be out on March 21st at 11:07 AM.#KGFChapter2 #KGF2onApr14@FarOutAkhtar @ritesh_sid @VaaraahiCC@excelmovies @AAFilmsIndia @DreamWarriorpic@PrithvirajProd @LahariMusic pic.twitter.com/fZZhU71iUF

— Hombale Films (@hombalefilms) March 18, 2022