Vikram: లోకేష్ కనకరాజ్ దర్శకత్వంలో కమల్ హాసన్, విజయ్ సేతుపతి.. ఇంకొంతమంది ప్రధాన పాత్రలో నటించిన సినిమా “విక్రమ్”. పాన్ ఇండియా నేపథ్యంలో ఈ సినిమా త్వరలో విడుదల కానుంది. ఈ నేపథ్యంలో తాజాగా తెలుగులో ఈ సినిమాకి సంబంధించి ప్రీ రిలీజ్ వేడుక హైదరాబాద్ శిల్పకళావేదికలో జరిగింది. ఈ వేడుకకు విక్టరీ వెంకటేష్ ముఖ్య అతిథిగా హాజరయ్యారు.
ఈ సందర్భంగా వెంకీ… కమల్ హాసన్ నటననీ కొనియాడారు. ఇండియాలో ఫస్ట్ పాన్ ఇండియా స్టార్ కమల్ హాసన్ అని తెలిపారు. పదహారేళ్ళ వయసు, మరో చరిత్ర ప్రతి యాక్టర్ కి ఒక మార్గదర్శకం లాంటి సినిమాలని పొగడ్తలతో ముంచెత్తారు. కమల్ హాసన్ ఎంట్రీ సౌత్ ఇండియా సినిమాలకి మంచి గౌరవం ఏర్పడింది అని చెప్పుకొచ్చారు. కమల్ కి బిగ్గెస్ట్ ఫ్యాన్ నేనే అంటూ నిర్మొహమాటంగా వెంకటేష్ తెలియజేశారు. ఇదే వేదికపై కమల్ గారితో ఫుల్ లెంగ్త్ సినిమా చేయాలని ఉందని వెంకటేష్.. మనసులో ఉన్న కోరికను బయటపెట్టారు.
కమల్ హాసన్ ఒక నటుడు, దర్శకుడు, రైటర్, రాజకీయ నాయకుడు, కొరియోగ్రాఫర్, సింగర్ ఇలా చెప్పుకుంటూ పోతే దశావతారాలు.. కాదు శతవతారాలు… ఆయనలో ఉన్నాయని తెలిపారు. ఇక ఇదే సమయంలో తాను సినిమాలు చేస్తున్న సమయంలో అతి కష్టమైన సన్నివేశం చేయాల్సి వస్తే.. కచ్చితంగా కమల్ హాసన్ సినిమాలు చూశాక.. ఆ సీన్ చేసేవాడిని అని వెంకటేష్ చెప్పుకొచ్చారు. భారతీయ చలన చిత్ర రంగంలోనే కమల్ హాసన్ గొప్ప నటుడు అంటూ కొనియాడారు. జూన్ 3వ తారీకు “విక్రమ్” రిలీజ్ అవుతుంది, కచ్చితంగా బ్లాక్ బస్టర్ అవుతుందని సినీ యూనిట్ సభ్యులకి వెంకటేష్ ఆల్ ది బెస్ట్ చెప్పారు.
Nani: ఓడియమ్మ.. నాని సీరియల్స్ లో నటించాడా?.. ఏ సీరియల్ అంటే…!