Family Star Trailer: విజయ్ దేవరకొండ హీరోగా మృణాల్ ఠాకూర్ హీరోయిన్ గా నటించిన “ఫ్యామిలీ స్టార్” ఏప్రిల్ 5వ తారీఖు విడుదల కాబోతోంది. తెలుగు, తమిళం, హిందీ భాషల్లో రిలీజ్ చేస్తున్నారు. ఈ క్రమంలో విడుదలకు ఇంకా వారం రోజులు మాత్రమే సమయం ఉండటంతో గురువారం.. “ఫ్యామిలీ స్టార్” ట్రైలర్ విడుదల చేయడం జరిగింది. పరశురాం దర్శకత్వం వహించిన ఈ సినిమా రొమాంటిక్ ప్రేమ కథ నేపథ్యంలో తీసినట్లు తెలుస్తోంది. హీరో విజయ్ దేవరకొండ.. హీరోయిన్ మృణాల్ ఠాకూర్ మధ్య సన్నివేశాలు చాలా క్యూట్ గా ఉన్నాయి.
ఆల్రెడీ గతంలో వచ్చిన టీజర్ లో మధ్యతరగతి కుటుంబానికి చెందిన వ్యక్తిగా హీరోని చూపించారు. అటువంటి ఆలోచనలు కలిగిన వ్యక్తి ప్రేమలో పడితే ఏ రకంగా వ్యవహరిస్తారు అన్నది చాలా కామెడీ నేపథ్యంలో చూపించటం జరిగింది. కానీ ఈసారి ట్రైలర్ లో హీరోయిజం గట్టిగా చూపిస్తూ మరోపక్క హీరోయిన్ కోసం తపనపడే హీరోగా విజయ్ దేవరకొండని చూపించడం జరిగింది. కచ్చితంగా ఫ్యామిలీ మరియు యూత్ ఆడియన్స్ నీ ఆకట్టుకునే విధంగా సినిమా ఉండబోతున్నట్లు తెలుస్తోంది. “ఫ్యామిలీ స్టార్” ట్రైలర్ అందరినీ ఆకట్టుకుంది. గతంలో ఇదే దర్శకుడు పరుశురాంతో విజయ్ దేవరకొండ చేసిన “గీతాగోవిందం” బ్లాక్ బస్టర్ హీట్ అయింది.
“గీత గోవిందం” తో అమ్మాయిలలో విపరీతమైన ఫాలోయింగ్ ఏర్పడింది. మరోసారి అదే దర్శకుడుతో “ఫ్యామిలీ స్టార్” అనే కొత్త తరహా రొమాంటిక్ సినిమా విజయ్ దేవరకొండ చేయడంతో ఈ సినిమాపై అభిమానులు భారీ అంచనాలు పెట్టుకున్నారు. ఈ సినిమా ప్రముఖ నిర్మాత దిల్ రాజు నిర్మించారు. గతంలో వరుస పరాజయాలతో విజయ్ దేవరకొండ సతమతమయ్యారు. కానీ గత ఏడాది శివ నిర్వాణ దర్శకత్వంలో “ఖుషి”తో రొమాంటిక్ హిట్ అందుకున్నారు. ఈ సినిమాతో హీరోయిన్ సమంతకి కూడా బ్రేక్ వచ్చింది. ఇప్పుడు మరోసారి అదే రొమాంటిక్ ప్రేమ కథ జోనర్ నమ్ముకుని “ఫ్యామిలీ స్టార్” సినిమా చేయడం జరిగింది. ఖచ్చితంగా ఈ సినిమా కూడా విజయ్ దేవరకొండ కెరియర్ లో బిగ్గెస్ట్ హిట్ అవుతుందని ట్రైలర్, టీజర్, పాటలు బట్టి అభిమానులు ఆశిస్తున్నారు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!