ఓంకార్ అంటేనే టీవీ చానెళ్లలో ఒక బ్రాండ్. ఆయన పేరు చెబితే చాలు.. చాలామంది ఆయన్ను మిమిక్రీ చేసేవాళ్లు. ఇప్పటికీ.. ఆయన చేసిన షోలలోని మాటలను అనుకరిస్తుంటారు కొందరు. అప్పట్లో టీవీ షోల్లో యాంకర్ అంటే ఓంకార్ అనేవారు. అంతలా తెలుగు వారి గుండెల్లో చోటు సంపాదించుకున్నాడు ఓంకార్. జీ తెలుగులో ఆయన నిర్వహించిన ఎన్నో షోలు సూపర్ సక్సెస్ అయ్యాయి.
ముఖ్యంగా చెప్పుకోవాలంటే ఆట డ్యాన్స్ షో. ఆ తర్వాత మాయాద్వీపం. ఇలా చాలా షోలు చేసి తెలుగు బుల్లి తెరపై సుస్థిర స్థానాన్ని సంపాదించుకున్నాడు. ఓంకార్ అంటేనే ఒక బ్రాండ్. ఆ బ్రాండ్ మళ్లీ ఇప్పటి వరకు ఎవ్వరికీ రాలేదు.
ఆయన ఇప్పటికీ పలు షోలకు యాంకరింగ్ చేస్తున్నారు. కొన్ని షోలను తన సొంతంగానూ చేస్తున్నారు. దానితో పాటు వెండి తెర మీద కూడా తనను తాను పరీక్షించుకున్నాడు ఓంకార్. దర్శకత్వం కూడా చేశాడు.
నిజానికి ఓంకార్ కు లైఫ్ ఇచ్చింది అంటే జీ తెలుగు. అందుకే.. జీ కుటుంబం అవార్డ్స్ 2020కి ఆయన్ని ఆహ్వానించగా.. స్టేజీ మీదికి వచ్చిన ఓంకార్.. జీ తెలుగుతో తనకున్న అనుబంధం గురించి చెప్పుకొచ్చాడు.
జీ కుటుంబంలో ఎంత మంది వచ్చినా.. ఒకడే ఒక పెద్ద కొడుకు ఉంటాడు. అతడే ఓంకార్.. అంటూ పవర్ ఫుల్ డైలాగ్ చెప్పడంతో.. స్టేజీ మొత్తం ఈలలో మారుమోగిపోయింది. దానికి సంబంధించిన ప్రోమోను తాజాగా విడుదల చేశారు.
https://www.youtube.com/watch?v=t5cOLEogeE4
