ఊహించిన విషయమే అయినా… సడన్ గా వినేటప్పటికీ అదో షాక్ లా ఉంటుంది! ఈ విషయంలో ఇలాంటి షాక్ లో రోజుకొకటి బాబుకు తగులుతూనే ఉన్నాయి. 2019 సార్వత్రిక ఎన్నికల ఫలితాలు వచ్చిననాటినుంచి మొదలు.. అసెంబ్లీలో అయినా, అసెంబ్లీ వెలుపల అయినా… సొంత పార్టీలో అయిన, అధికారపార్టీ నుంచైనా… ఏదో ఒకదెబ్బ తగులుతూనే ఉంది! ఈ క్రమంలో ఇప్పటికే ముగ్గురు ఎమ్మెల్యేలు టీడీపీని వీడిన పరిస్థితి! టీడీపీని వీడారే తప్ప.. వైసీపీలో చేరలేదని వైకాపా నుంచి లాజికల్ వివారణలు. ఆ సంగతులు అలా ఉంటే.. తాజాగా మరో ఎమ్మెల్యే గొట్టిపాటి రవికుమారు పార్టీని వీడనున్నారంట. ఇది చాలా రోజులుగా నానుతున్న వ్యవహారమే అయినా… బాబు ఇప్పుడున్న పరిస్థితికి ఇది మరింత షాకింగ్ అనే చెప్పాలి.
కరణం బలరాం సైకిల్ దిగిపోయిన అనంతరంం చేసిన కామెంట్లు… త్వరలో మరికొంతమంది టీడీపీ ఎమ్మెల్యేలు కూడా పార్టీ మారతారు అని! ఆ మాట ఆ పార్టీని ఏ రేంజ్ లో కలవరపెట్టి ఉంటుందో ఊహించుకోవచ్చు! ఈ క్రమంలో… అద్దంకి ఎమ్మెల్యే గొట్టిపాటి రవికుమార్ వైసీపీలో చేరతారంటూ గతకొద్ది రోజులుగా ప్రచారం జరుగుతోంది. ఆయన ఇప్పటికే వైసీపీ కీలకనేతలు లతో సంప్రదింపులు జరిపినట్టు తెలుస్తోంది. ఈ క్రమంలో… పరిస్థితి చేయిదాటిపోతుందని భావించారో లేక ఆలస్యం అమృతం విషయం అని అనుకున్నారో కానీ… వైసీపీలో చేరేందకు తన ఎమ్మెల్యే పదవికి రాజీనామా చేయడానికైనా సిద్ధమని గొట్టిపాటి అంటున్నారట.
ఇంక ఆ రేంజ్ లో ఫిక్స్ అయ్యాక టీడీపీ నుంచి ఎన్ని ప్రయత్నాలు చేస్తే మాత్రం ఎవరు ఆయన్ను ఆపగలరు. అందుకే అధిష్టానం కూడా… తగిలినదెబ్బల్లో ఇదొకటి అని సరిపెట్టుకోనున్నారని తెలుస్తుంది. ఏది ఏమైనా… ప్రకాశం జిల్లాలో వైకాపా కు అద్దెబలం పెరుగుతుందనే చెప్పాలి. ఇది సొంతబలంగా మారాలంటే… జగన్ రూల్స్ ఒప్పుకోవు. ఫలితంగా మళ్లీ ఎన్నికలకు వెళ్లాలి. కాబట్టి… వీరంతా సైకిల్ దిగిపోతారు తప్ప ఫ్యాన్ కిందకు ప్రత్యక్షంగా చేరలేరన్నమాట!! ఏది ఏమైనా… బాబు టైం చాలా బ్యాడ్ గా ఉందని తమ్ముళ్లు ఆవేదన వ్యక్తం చేస్తున్నారు!
