ప్రస్తుతం టాలీవుడ్ యంగ్ హీరో విజయ్ దేవరకొండ నటిస్తున్న పాన్ ఇండియన్ సినిమా నాలుగు భాషల్లో తెరకెక్కుతుంది. పూరి జగన్నాధ్ ఈ సినిమాకి దర్శకత్వం వహిస్తున్నాడు. బాలీవుడ్ బ్యూటీ అనన్య పాండే విజయ్ కి జంటగా నటిస్తుండగా పూరి జగన్నాధ్ టూరింగ్ టాకీస్, పూరి కనెక్ట్స్ బ్యానర్స్ పై పూరి, ఛార్మి నిర్మిస్తున్నారు. బాలీవుడ్ మేకర్ కరణ్ జోహర్ సమర్పణలో రూపొందుతున్న ఈ సినిమాలో విజయ్ దేవరకొండ బాక్సర్ గా కనిపించబోతున్నాడు.
విజయ్ దేవరకొండ గత చిత్రాలు ఫ్లాపయిన సంగతి తెలిసిందే. అందుకే పూరి దర్శకత్వంలో తెరకెక్కుతున్న ఈ సినిమా మీద భారీగా అంచనాలు పెట్టుకున్నాడు. కాగా ఈ సినిమా తర్వాత విజయ్ దేవరకొండ కమిటయిన ప్రాజెక్ట్స్ అన్ని కూడా భారీ స్థాయిలోనే ప్లాన్ చేసుకున్నాడని తెలుస్తుంది. సుకుమార్ దర్శకత్వంలో విజయ్ దేవరకొండ ఒక సినిమాలో నటించబోతున్నట్టు ఇప్పటికే అధికారకంగా ప్రకటించాడు. ఈ సినిమాని విజయ్ స్నేహితుడు కేదార్ సెలగం శెట్టి నిర్మిస్తున్నాడు.
అలాగే నిన్నుకోరి, మజిలీ ఫేం శివ నిర్వాణ దర్శకత్వంలో కూడా విజయ్ దేవరకొండ నటించబోతున్నట్టు ఇంతకముందే వార్తలు వచాయి. ప్రస్తుతం శివ నిర్వాణ నాని తో టక్ జగదీష్ అన్న సినిమా చేస్తున్నాడు. ఇప్పటికే ఈ సినిమా సగభాగం చిత్రీకరణ కంప్లీటవగా రీసెంట్ గా మళ్ళీ ఈ సినిమా షూటింగ్ ప్రారంభం అయింది. ఈ సినిమా తర్వాతే శివ నిర్వాణ – విజయ్ దేవరకొండ కాంబినేషన్ లో సినిమా మొదలవనుందని అంటున్నారు.
వీటితో పాటు సూపర్ స్టార్ మహేష్ బాబు తో కలిసి ఒక మల్టీస్టారర్ లో నటిస్తాడని అంటున్నారు. అలాగే మహేష్ సొంత బ్యానర్ లో కూడా విజయ్ ఒక సినిమా చేస్తాడని ఈ ప్రాజెక్ట్స్ తో పాటు మరోసారి తరుణ్ భాస్కర్ దర్శకత్వంలో ఒక సినిమా చేసేందుకు ప్లాన్ చేసుకున్నాడని సమాచారం. మరి విజయ్ కమిటయిన ఈ ప్రాజెక్ట్స్ లో ఎన్ని పాన్ ఇండియన్ ప్రాజెక్ట్స్ అన్నది తెలియాల్సి ఉంది.