Prabhas : బాహుబలి సినిమాతో గ్లోబల్ స్టార్ గా ప్రభాస్ అవతరించాడు. ప్రపంచంలోని ఏ మూల చూసినా ప్రభాస్ అభిమానులు ఉంటారంటే అతిశయోక్తి కాదు. బాహుబలి తరువాత హాలీవుడ్ రేంజ్‌లో ‘సాహో’ సినిమా చేసి తన క్రేజ్ మరింత పెంచుకున్నాడు ప్రభాస్. ఇప్పుడు యూనివర్సల్ స్టార్ గా మారేందుకు రాధేశ్యామ్, సలార్, ఆదిపురుష్, ప్రాజెక్ట్ K అనే 4 పాన్ ఇండియా సినిమాలను లైన్ లో పెట్టాడు. ఈ సినిమాలన్నీ కూడా వరల్డ్ వైడ్ గా రిలీజ్ అయ్యేందుకు సిద్ధమయ్యాయి.
Prabhas : ఆదిపురుష్ తో రికార్డ్ బద్దలు
ప్రభాస్ హీరోగా నటిస్తోన్న ఆదిపురుష్ మూవీ చిత్రీకరణ చివరి అంకంలో ఉంది. బాలీవుడ్ దిగ్గజ దర్శకుడు ఓంరౌత్ ఆదిపురుష్ సినిమాని రూపొందిస్తున్నాడు. ఈ సినిమాని ఇంగ్లీష్ భాషతో సహా 9 భాషలు, 30 వేల థియేటర్లలో రిలీజ్ చేయాలని చిత్ర బృందం ప్లాన్ చేస్తోంది. ఇదే జరిగితే హాలీవుడ్ హీరోల రికార్డులను ప్రభాస్ బద్దలు కొడతాడు. ఇక అతను ఇండియాలో ఏ స్టార్ హీరో ఇప్పటివరకు సాధించని.. ఇకపై సాధించబోని రికార్డు సృష్టిస్తాడు.
ఫ్యాన్స్‌కి పూనకం తెప్పించే న్యూస్ !
మన ఇండియన్ తీసిన చాలా చిత్రాలు ప్రపంచవ్యాప్తంగా పలు భాషల్లో విడుదల అయ్యాయి కానీ ఒక్క ఇంగ్లీష్ లో డైరెక్టర్ రిలీజ్ కాలేదు. అయితే ఈసారి ప్రభాస్ ఆ వెలితిని కూడా తీర్చేయనున్నాడని సోషల్ మీడియాలో ప్రచారం జరుగుతోంది. దాంతో ఫ్యాన్స్ ఫిదా అవుతున్నారు. భారత చలనచిత్ర చరిత్రలో అత్యధికంగా విజువల్ ఎఫెక్ట్ వినియోగించిన సినిమాగా ఆదిపురుష్ తెరకెక్కుతోంది. ఈ ఒక్క సినిమాలోనే ఏకంగా 8000కు పైగా విజువల్ ఎఫెక్ట్స్ షాట్స్ ఉన్నాయట. ఇందులో ప్రభాస్ శ్రీరాముడి పాత్ర పోషిస్తుండగా, కృతి సనన్ సీతగా కనిపించనుంది. ఈ చిత్రం పోస్ట్ ప్రొడక్షన్ వర్క్ పూర్తి కాగానే ప్రేక్షకుల ముందుకు రానుంది.
