సాయం చేయడానికి డబ్బు ఎంతటి ఉన్నత మనస్తత్వం అవసరమో నిరూపించాడు నటుడు సోనూ సూద్. లాక్ డౌన్ పరిస్థితుల్లో వేలాది మంది వలస కార్మికులను ఆదుకున్నాడు. వారు తమ స్వస్థలాలకు వేళ్లేందుకు సోనూ సూద్ చేసిన సాయం దేశవ్యాప్తంగా ప్రశంసలు అందుకుంది. వారి కోసం ప్రత్యేక బస్సులు ఏర్పాటు చేసి తన మంచితనం చాటుకున్నాడు. ఇప్పుడు మరో వినూత్న కార్యక్రమంతో ముందుకొస్తున్నాడు.
వలస కార్మికులు సులభంగా ఉపాధి అవకాశాలు పొందేందుకు ఒక యాప్ విడుదల చేశాడు. ‘ప్రవాసీ రోజ్ గార్’ అనే ఉచిత్ ఆన్ లైన్ ప్లాట్ ఫామ్ ను వారి కోసం ఆవిష్కరించాడు సోనూ సూద్. దేశంలో ఉన్న వివిధ రంగాల్లో అవకాశాలు పొందాలనుకునే వారికి ఈ యాస్ ఉపయోగపడుతుందని అంటున్నాడు. ఏ రంగంలో ఉపాధి కోల్పోయారో వారికి తేలిగ్గా సమాచారం, అవకాశాలు ఈ యాప్ లో పొందొచ్చని కూడా అంటున్నాడు. ఆటోమొబైల్ల్స్, బీపీఓ, నిర్మాణం, ఈ-కామర్స్, హెల్త్.. ఇలా వివిధ రంగాల్లో ఉద్యోగ అవకాశాల సమాచారం లభిస్తుందని తెలిపాడు. ప్రస్తుత పరిస్థితుల్లో ఉద్యోగం పొందే విషయంలో ఇంగ్లీష్ కు సబంధించిన సమాచారం.. ఆయా రంగాల్లో నైపుణ్యం చెందే విధంగా సమాచారం కూడా ఇందులో లభ్యమవుతుందని అంటున్నాడు.
ప్రస్తుత కరోనా కల్లోల సమయంలో తాను చేయగలిగినంత సాయం చేయడంలో సోనూసూద్ ముందున్నాడు. త్వరలోనే తన జీవిత అనుభవాలకు అక్షర రూపం ఇవ్వనున్నాడు. ‘లైఫ్ చేంజింగ్’ పేరుతో ఈ పుస్తకం రాయబోతున్నాడు సోనూ సూద్. ఈ పుస్తకాన్ని గ్విన్ ర్యాండమ్ హౌస్ ఇండియా ప్రచురిస్తుందని ఇటివల చెప్పుకొచ్చాడు.
