భారత దేశంలో అతి కొద్ది కాలంలోనే ఎంతో మంది చేత ప్రాచుర్యం పొందిన షార్ట్ వీడియో యాప్ టిక్ టాక్.. ఈ యాప్ ద్వారా ఎంతో మంది తమలో దాగున్న ఎన్నో వేరియేషన్స్ ను బయటపెట్టడానికి ఈ యాప్ ఎంతో ఉపయోగపడిందని చెప్పుకోవచ్చు. అయితే భారతదేశంలో చైనా యాప్ లను చాలా మటుకు తొలగించడం జరిగింది. ఇందులో ముఖ్యంగా చెప్పుకోవాల్సింది టిక్ టాక్ యాప్ గురించి.
ఎంతో మంది ఆదరన పొందిన ఈ టిక్ టాక్ యాప్ ను మనదేశం ఇక్కడి పాలసీలకు అనుగుణంగా లేదని దానికి తొలగించినట్టు తెలిపింది. కాగా ఈ యాప్ రిమూవ్ తర్వాత చైనా భారీ నష్టాన్ని చవిచూసిందనే చెప్పుకోవచ్చు. కాగా ఈ యాప్ ను డేటా సెక్యురిటీ తో మళ్లీ తీసుకొచ్చేందుకు ప్రయత్నాలను ముమ్మరం చేస్తున్నది చైనా. కాగా దీని గురించి మాత్రం ఎలాంటి స్పష్టత ఇవ్వలేదనే చెప్పుకోవచ్చు.
కాగా ఈ ఈ దీపావళీ సందర్భంగా టిక్ టాక్ తమ ఫాలోవర్సును పలకరించి ఒక ఎమోషన్ ట్వీట్ చేసేసింది. ‘ మేం భారత్ ను చాలా మిస్సవుతున్నామని అలాగే ఇండియాను గుర్తు చేసుకున్న ప్రతి రోజూ ఒక దీపం వెలిగిస్తున్నామని’ ట్వీట్ చేశారు. అయితే జాతీయ భద్రతల ధృష్ట్యా భారత్ 59 చైనా యాప్ లను కేంద్ర ప్రభుత్వం జూన్ 29 న నిషేధించిన విషయం తెలిసిందే. ఈ నిషేదించిన యాప్ లలో టిక్ టాక్ కూడా ఒకటి.
అయితే యాప్ ను నిషేధించకముందు మన దేశంలో టిక్ టాక్ ను 61.1 కోట్ల సార్లు డౌన్ లోడ్ చేసుకున్నారు. అలాగే ఈ టిక్ టాక్ యాప్ ప్రపంచ వ్యాప్తంగా అయిన డౌన్ లోడ్లలో అది 30.3 శాతంగా ఉంది. మరీ ముఖ్యంగా చెప్పాలంటే టిక్ టాక్ యాప్ 2019 లో నే ఎక్కువగా డౌన్ లోడ్ అయినట్టు సర్వేలు చెబుతున్నాయి. కాగా ఈ యాప్ తిరిగి ఇండియాకు చేరుకునే అవకాశం ఉన్నట్టు సమాచారం.
