Tips for reducing cold and cough:
ఇప్పుడు సీజన్ మారింది కావున చాలా మంది జలుబు, దగ్గు వంటి అనారోగ్య సమస్యలతో ఇబ్బందులు పడుతూ ఉంటారు.జలుబు వస్తే అంత త్వరగా తగ్గదు. జలుబు తగ్గడానికి రోజు టాబ్లెట్స్ కూడా వేసుకుంటారు. ఎందుకంటే జలుబు చేస్తే చాలా చిరాకుగా ఉంటుంది. ఒక్కోసారి దగ్గు రావడం,తుమ్ములు,తలనొప్పి కూడా వస్తుంది. అయితే మందులతో పనిలేకుండా ఎంచక్కా ఇంటి చిట్కాలు ఉపయోగించి జలుబును ఇట్టే మాయం చేసుకోవచ్చు. అదెలానో ఇప్పుడు తెలుసుకుందాం..
జలుబును తగ్గించే ఇంటి చిట్కాలు :
జలుబు చేసినప్పుడు మాములు నీరు తాగకుండా నీటిని వేరు తాగితే కాస్త ఉపశమనంగా ఉంటుంది.అలాగే అదే వేడి నీటిలో తేనె, నిమ్మరసం, కొద్దిగా దాల్చినపొడి కలిపి తీసుకుంటే జలుబు త్వరగా తగ్గుతుంది. జలుబు చేసినప్పుడు ఆవిరిపట్టడం వల్ల కూడా ఉపశమనం ఉంటుంది.ఆవిరి పడితే మూసుకుపోయిన ముక్కురంధ్రాలు తెరుచుకుంటాయి. అప్పుడు కాస్త రిలీఫ్‌గా ఉంటుంది. అయితే, ఆవిరి పట్టేటప్పుడు కేవలం వేడినీటితో కాకుండా అందులో కాస్తా పసుపు గాని జండు బామ్, విక్స్ వంటివి వేస్తే మంచి ఫలితం ఉంటుంది. ఇలా వేసిన నీటితో ఆవిరిపడితే జలుబు త్వరగా తగ్గుతుంది.
ఇలా చేస్తే జలుబు క్షణాల్లో మాయం:
ఇంకా వేడి వేడి పాలల్లో చిటికెడు
పసుపు కలిపుకుని రాత్రి వేళల్లో తాగితే బాగా ఎఫెక్టివ్‌గా పనిచేస్తుంది. పసుపు పాలు తాగడం వలన జలుబు తగ్గడంతో పాటుగా, రోగనిరోధక శక్తి పెరుగుతుంది అలాగే నిద్రలేమి సమస్య కూడా దూరమవుతుంది. పసుపులోని యాంటీ బయాటిక్ గుణాలు జలుబుని దూరం చేస్తాయి.జలుబుతో బాధపడేవారు టీలో కొద్దిగా అల్లం ముక్కను వేసుకుని తాగితే ఉపశమనం ఉంటుంది. అల్లంలోని ప్రత్యేక గుణాలు జలుబు,దగ్గుని తగ్గిస్తాయి.కాబట్టి.. రెగ్యులర్‌గా అల్లంతో చేసిన టీ తాగడం అలవాటు చేసుకోండి. వేడినీటిని మరిగించి అందులో అల్లం ముక్కలు లేదా నిమ్మ రసం,పుదీనా ఆకులు,తేనె కలిపి తాగితే మంచి ఉపశమనం లభిస్తుంది.జలుబు ఉన్నవారు తులసి ఆకులు, రాక్ సాల్ట్ కలిపి నమిలి ఆ రసాన్ని మింగాలి. ఇలా చేయడం వల్ల జలుబు తగ్గుతుంది. జలుబుతో బాధపడేవారు కర్పూరం వాసన చూసినా మంచి ఫలితం ఉంటుంది. లేదంటే నీటిలో కర్పూరం వేసి ఆవిరి పట్టినా మంచి ఫలితం కనిపిస్తుంది.
