hair :వారం లో 3 సార్లు అయినా హాట్ ఆయిల్ మసాజ్ చేసుకోవాలి. జుట్టు కి సరిపడా కొబ్బరి నూనె తీసుకుని డైరెక్ట్ గా వేడి చేయకుండా… స్టవ్ మీద ఒక గిన్నెలో నీళ్లు పెట్టి ఇంకో చిన్న గిన్నెలో కొబ్బరి నూనె పోసి కాగుతున్న ఆ నీటిలో ఈ గిన్నె ఉంచి వేడి చేసుకోవాలి. కొంచెం వేడి పడ్డాక ఆ నూనె మాడుకు పట్టించి నెమ్మదిగా జుట్టు కుదుళ్లకు మస్సాజ్ చేసుకోవాలి. ఇక నూనె లేకుండా కూడా మస్సాజ్ చేసుకోవాలి. ఉదయం ఒక 5 నుండి 7 నిముషాలు…రాత్రి పడుకునే ముందు మళ్ళి ఒకసారి నూనె లేకుండా తల కి మసాజ్ చేసుకోవాలి.
జుట్టు మొత్తం ముందుకు వేసి తల బాగా వంచి మసాజ్ చేసుకుంటే తలకు బ్లడ్ సర్క్యూలేష బాగా జరుగుతుంది. జుట్టు బలం గా ఉంటుంది. రెండు రోజు లకు ఒకసారి అయినా తలస్నానం చేయాలి. షాంపూ పెట్టేటప్పుడు మగ్ లో కొంచెం నీరు తీసుకుని అప్పుడు షాంపూ వేసి కలిపి జుట్టు కుదుళ్లకు రుద్దుతూ జుట్టును శుభ్రం చేసుకోవాలి. చాల మంది జుట్టు పై పైన రుద్ది చేస్తుంటారు. అలా కాకుండా కుదుళ్ళకంటా రుద్ది శుభ్రం చేసుకోవాలి. దిండు కవర్ లు మూడు రోజుల కు ఒకసారి అయినా మార్చాలి. అలా కుదరదు అనుకుంటే రెండు మూడు కాటన్ క్లోత్స్ తీసుకుని రెండు రోజులోకు ఒకసారి దిండు పైన వేసుకుని మారుస్తూ ఉండాలి. తలకి వాడే టవల్స్ కూడా శుభ్రం గా ఉండాలి. దువ్వెనలు ఎవ్వరిది వారికి ఉండాలి. వాటిని కనీసం 3 రోజులకు ఒక్కసారి అయినా వేడినీళ్లు షాంపూ వేసి పాత టూత్ బ్రష్ సహాయం తో క్లీన్ చేసుకోవాలి.
ఇది అన్నిటికన్నా ముఖ్యమైనది. దుమ్ము లో తిరిగిన,తలకి బాగా చెమట పట్టిన ఆ రోజే తల స్నానంచేసి జుట్టు జుట్టుశుభ్రం చేసుకోవాలి. చాల మంది జుట్టు కోసం రక రకాల షాంపూస్, కలర్స్, కండిషనర్లు మర్చి మర్చి వాడేస్తూ ఉంటారు.అలా ఎప్పుడు చేయకూడదు.ఒకే బ్రాండ్ ను ఉపయోగించాలి.జుట్టును కూడా సహజం గా టవల్ కట్టి తడి పేల్చుకున్నాక, సహజం గా ఆరపెట్టుకోవాలి.హెయిర్ డ్రయర్ వాడకుండా ఉండడం మంచిది. తల స్నానం కోసం బాగా వేడి నీళ్లు ఎప్పుడు వాడకూడదు.గోరువెచ్చగా లేదా చల్లగా ఉన్న నీటిని మాత్రమే వాడాలి.