Viral : భారత స్టార్ పేసర్ జస్ప్రీత్ బుమ్రా ఈరోజు టీవీ రిపోర్టర్ అయిన సంజన గణేశన్ ను కొద్ది సేపటి క్రితమే వివాహమాడిన విషయం తెలిసిందే. భారత జట్టు క్రికెట్ సభ్యులందరూ అతనికి అభినందనలు తెలియజేశారు. బూమ్రా భారతదేశ జట్టులో కీలక సభ్యుడు. ప్రస్తుతం ఇంగ్లాండ్ తో జరుగుతున్న సిరీస్ కు అతను పెళ్లి కారణంగా దూరం అయిన విషయం తెలిసిందే. వన్డే జట్టులో మళ్లీ తిరిగి కొనసాగుతాడని అందరూ ఆశిస్తున్నారు.
ఇక పెళ్ళి విషయానికి వస్తే… బూమ్రా ప్రేమ సంజన ను వివాహం చేసుకున్నట్లు తెలుస్తోంది. క్రికెటర్లు అందరూ తమ సోషల్ మీడియా పేజీలలో బూమ్రా కు అభినందనలు తెలిపారు. అయితే భారత ఓపెనర్ మయాంక్ అగర్వాల్ మాత్రం బుమ్రాను ఉద్దేశించి వేసిన ట్వీట్ ఒక్కసారిగా వైరల్ అయిపోయింది.
అత్యుత్సాహం లో అగర్వాల్ జస్ప్రిత్ బూమ్రా తోపాటు సంజన గణేష్ కు శుభాకాంక్షలు తెలుపబోయి ప్రముఖ క్రికెట్ వ్యాఖ్యాత అయిన సంజయ్ బంగర్ పేరును అతని ట్వీట్ లో రాశాడు. సంజయ్, సంజనా పేర్లు ఒకే రకంగా ఉండటంతో కన్ఫ్యూజ్ అయిపోయిన మయాంక్ అగర్వాల్ “జస్ప్రీత్ బుమ్రా, సంజయ్ బంగర్ మీ ఇద్దరికీ శుభాకాంక్షలు. మీకు ఎల్లకాలం సంతోషంగా, ఆరోగ్యంగా ఉండాలని కోరుకుంటున్నాను” అని ట్వీట్ వేసాడు.
అయితే ఆ ట్వీట్ వేసిన వెంటనే అగర్వాల్ డిలీట్ చేయడం జరిగింది. అయినప్పటికీ అప్పటికే నెటిజన్లు దానిని స్క్రీన్ షాట్ తీసుకొని వైరస్ చేయడం మొదలుపెట్టారు. మొత్తానికి మయాంక్ అగర్వాల్ ఈ రోజున నెటిజనులకు ట్రోల్ మెటీరియల్ అయిపోయాడు.
