Mango leaves: నూతన గృహంలోకి ప్రవేశించే ముందు మామిడి తోరణాలను గుమ్మానికి కడుతూ ఉంటారు. అలాగే పండగల సమయంలో కూడా మామిడి తోరణాలను గుమ్మానికి కడతారు. కొందరు మామిడి ఆకుల ప్రయోజనం తెలియకుండానే వాటిని దగ్గర దగ్గరగా కట్టి ఇంటి గుమ్మంకి తోరణాలుగా కడుతూ ఉంటారు. నిజానికి తెలిసి చేసినా తెలియక చేసినా మన హిందూ సంప్రదాయాలను ఆచరించడం వలన మేలే జరుగుతుంది.
గృహప్రవేశ సమయంలో కూడా గుమ్మలకి ఎక్కువగా మామిడి తోరణాలను కడుతూ ఉంటారు. కొత్త పాత్రలో పాలు పొంగిస్తారు. ఆ దృశ్యం చూడడానికి ఎంతో మనోహరంగా ఆహ్లాదకరంగా ఉంటుంది. పాలు పొంగి నేల పైకి దొర్లడం గృహప్రవేశ సమయంలో ఎంతో శుభసూచకంగా చెప్పబడినది.
గృహప్రవేశ కార్యం జరుగుతున్న ఇంట్లోకి మామిడి తోరణాలు కళకళలాడుతూ అతిధులకు స్వాగతం పలుకుతున్నాయా అన్నట్లు ఉంటాయి. ఈ ఆచారం వెనుక ఓ శాస్త్రీయ అంశం దాగి ఉంది. మన పూర్వికులు ఈ విషయాన్నీ గ్రహించారు కాబట్టే అనేక శుభకార్యాలలో మామిడి ఆకులను వాడేవారు.
గృహప్రవేశ సమయంలో అనేక బంధుమిత్రులు మన ఇంటికి వస్తు ఉంటారు. ఈ కారణంగా సహజంగానే ఇంట్లోని గాలి కలుషితం అవుతుంది. అయితే మామిడాకులకు సహజంగానే గాలిని శుద్ధిచేసే గుణం ఉండడం కారణంగా తోరణాలను ద్వారాలకు దట్టంగా కట్టడం జరుగుతుంది.
మామిడాకులకు మన పళ్లలోని సూక్ష్మక్రిములను హరించే సామర్ధ్యం ఉన్న కారణంగా మన పూర్వికులు మామిడి ఆకులను పళ్ళు తోమడానికి ఉపయోగిస్తూ ఉండేవారు. బావిలోనికి దిగి శుభ్రం చేసేవారికి మొదట ఓ మామిడాకులు ఎక్కువగా ఉన్న కొమ్మను బావిలోకి దించి, చుట్టూ కొంతసేపు తిప్పమని చెప్పేవారు.
ఇలా చేయడం వలన బావిలో ఉన్న విషవాయువులు తొలగిపోతాయి. ఇప్పటికి ఇలా చేసేవారు మనకి మన గ్రామీణ ప్రాంతాలలో కనిపిస్తూ ఉంటారు. కాబట్టి పెద్దల మాట చద్దిమూటలా మనం భావించాలి.
