Life: మాటని చాల జాగ్రత్తగా
తన భావాలను స్పష్టం గా వ్యక్తం చేయడానికి భగవంతుడు ( God ) మనుషులకు ప్రసాదించిన అద్భుతమైన వరం వాక్కు.ఈ వాక్కేమనుషులను మహనీయులుగా చేస్తుంది. పశువులకు,పక్షులకు లేని మాట ఒక్క మనుషులకు ఉన్నందుకు ప్రతి ఒక్కరూ మాటని చాల జాగ్రత్తగా వాడవలిసిన అవసరం ఉంది. ఎట్టి పరిస్థితి లోను మాటను దుర్వినియోగం అయ్యేలా చేయకూడదు.
Life: రంపపు కోత
వీలైనంతవరకు మంచి మాటలతో అందరినీ సంతోషపెట్టేలా మాట్లాడాలి కాని ఎదుటివారిని బాధ పెట్టె పద్ధతిలో కఠినమైన మాటలను అనవద్దు అని మన శాస్త్రాలు చెబుతున్నాయి. యుద్ధాలు జరిగేటప్పుడు మనుషలకు ఆయుధాల వలన గాయాలు అవుతాయి. విషం ఎంటే ఏకం గా మనుషుల ప్రాణాల తీసేస్తుంది. నిప్పు అయితే నిలువునా కాల్చేస్తుంది. పాపకర్మలు ఉంటే అవి మనిషిని అప్పుడప్పు డూ సందర్భాన్ని బట్టి పీడిస్తూ ఉంటాయి. కాని ఇవేవీ బాధ పెట్టని విధం గా ఒక కఠినమైన మాట మనిషి హృదయాన్నీ రంపపు కోత కోస్తూ..నరకయాతనకు గురిచేస్తాయి. శరీరాన్ని కోసిన గాయం అయినా మానుతుంది కానీ మనస్సు గాయం మాత్రం మానదు అన్న విషయం కోపం తో మాట్లాడే ప్రతి సారి గుర్తు పెట్టుకోవాలి. మీ కోపం తగ్గి మీరు మళ్ళి మాములుగా అవ్వవచ్చు కానీ కోపం లో మీరు అన్న మాటని ఎదుటి మనిషి మర్చిపోవడానికి చాలా సమయం పడుతుంది. కోపం లో కఠినం గా మాట్లాడేవారికి ఆప్తుల తో పాటు ఆత్మీయులు అందరు దూరం అవుతారు. మంచి నడవడిక కలిగినవారు ,చెడ్డ దారిలో వెళ్లే దుర్మార్గులు ,పిల్లలు ,పెద్దలు ఆడ,మగ అన్న తేడా లేకుండా మనోవేదన కు గురిచేసేవి పరుషవాక్కులే అనే నిజాన్ని తెలుసుకోవాలి. పుల్లవిరుపు మాటలు,వ్యంగ్యమాటలు,నిష్ఠురమైన మాటల తో మనస్సులు దెబ్బ తినే విధం గా చేసే పద్దతిని మానేస్తే మీ జీవితం వేరే లెవెల్ లో ఉంటుంది. ప్రయత్నించి చూడండి.
శాంత పరచడానికి
పాము కాటు వేసిన ,లేదా అగ్నిప్రమాదం లో ఒకేసారి ప్రాణాలు పోతాయి. కానీ పరుషవాక్కుల వలన గాయపడిన మనస్సు అటు ప్రాణాలు పోక, ఇటు ప్రశాంతంగా ఉండలేక అనుక్షణం నరక యాతనతో విలవిలలాడిపోతారు. మనం ఇతరులను ఇలాంటి బాధ పెట్టడం అన్నింటిని మించిన దోషం అనే నిజాన్ని తెలుసుకుని మంచి మాటలతో శాంత పరచడానికి ప్రయత్నిద్దాం.