Junior NTR : జూనియర్ ఎన్టీఆర్ ని కలవబోతున్న చంద్రబాబు నాయుడు..?? ఒక్క సారిగా మారిన ఆంధ్రప్రదేశ్ రాజకీయ పరిణామాలు..!

Junior NTR రాష్ట్రంలో తెలుగుదేశం పార్టీ గతంలో ఎన్నడూ లేని రీతిలో తీవ్ర  గడ్డుపరిస్థితిని ఎదుర్కొంటోంది. టీడీపీ ఆవిర్భావం నుండి అనేక ఆటు పోట్లను ఎదుర్కొన్నప్పటికీ 2019 ఎన్నికల తరువాత టీడీపీ పరిస్థితిదారుణంగా తయారు అయ్యింది. టీడీపీలోని పెద్ద పెద్ద నాయకులపైనే కేసులు నమోదు చేసి జైలుకు పంపుతుండటం, నలుగురు రాజ్యసభ సభ్యులు బీజేపీలో చేరిపోవడంతో టీడీపీలో ఆత్మస్థైర్యం దెబ్బతిన్నది. దీంతో పంచాయతీ, మండల పరిషత్, జిల్లా పరిషత్, మున్సిపల్, కార్పోరేషన్ ఎన్నికల్లో వైసీపీ తన హవా కొనసాగించింది. తిరుపతి ఉప ఎన్నికల్లో సైతం వైసీపీ ఘన విజయం సాధించింది. చివరకు చంద్రబాబు సొంత నియోజకవర్గం కుప్పంలోనూ టీడీపీ తన ప్రాభవాన్ని కోల్పోయింది. దీంతో రాబోయే ఎన్నికల్లో టీడీపీ అధికారంలోకి రాకపోతే తెలంగాణలో మాదిరిగా పార్టీ పరిస్థితి అవుతుందన్న భావన ఉంది. రాబోయే ఎన్నికల్లో ఎలాగైనా సత్తా చాటాలని చంద్రబాబు భావిస్తున్నా ఒంటరిగా పోటీ చేస్తే టీడీపీకి గెలుపు అవకాశాలు ఉండవని అర్ధం అయ్యింది. అందుకే వైసీపీని ఓడించాలంటే ఇతర పార్టీలను కలుపుకుని వెళ్లాల్సిన అవస్యకతను గుర్తించారు. ఈ క్రమంలోనే రాబోయే ఎన్నికల్లో పొత్తులకు ఇప్పటి నుండే సంకేతాలు ఇస్తున్నారు చంద్రబాబు. కుప్పం పర్యటనలో జనసేనతో పొత్తు పెట్టుకోవాలన్న ఓ కార్యకర్త సూచనపై చంద్రబాబు స్పందించిన తీరు రాజకీయ వర్గాల్లో ఆసక్తికరమైన చర్చకు దారి తీసింది.

మరో పక్క పార్టీ క్యాడర్ లో నూతనోత్సాహం రావాలంటే జూనియర్ ఎన్టీఆర్ ను తీసుకురావాలన్న ప్రతిపాదన ఆ పార్టీ నేతల్లో ఎప్పటి నుండో వ్యక్తం అవుతోంది.  జూనియర్ అభిమానులు పార్టీ పట్ల అంటీ మున్నట్లుగా ఉంటున్నారని వార్తలు వినబడుతున్నాయి. కుప్పంలోనూ జూనియర్ ఫ్యాన్ సొంత రాజకీయాలు మొదలు పెట్టారని ప్రచారం జరుగుతోంది. కుప్పంలో పార్టీకి జరిగిన నష్టాన్ని భర్తీ చేసుకునేందుకు చంద్రబాబు ప్రత్యేక దృష్టి సారించారు. కుప్పంలో వరుస పర్యటనలు చేస్తున్నారు. ఇంతకు ముందు అధికారంలో ఉన్నా, ప్రతిపక్షంలో ఉన్నా కుప్పంకు వెళ్లకుండానే రాజకీయాలు చేస్తూ గెలుస్తూ వచ్చిన చంద్రబాబుకుn ఇప్పుడు కుప్పంకు తప్పకుండా వెళ్లాల్సిన పరిస్థితులు ఏర్పడ్డాయి. చంద్రబాబుకు చిరకాల ప్రత్యర్ధి అయిన మంత్రి పెద్దిరెడ్డి రామచంద్రా రెడ్డి కుప్పంపై ప్రత్యేక ఫోకస్ పెట్టడంతో కుప్పంలో మండల పరిషత్, మున్సిపల్ ఎన్నికల్లో టీడీపీకి తీవ్ర పరాభవం ఎదురైంది.