TSPSC Group 2 Exams: తెలంగాణలో గ్రూప్ – 2 పరీక్షల రీషెడ్యుల్ తేదీలను టీఎస్పీఎస్సీ ఆదివారం సాయంత్రం ప్రకటించింది. ఈ పరీక్షలను నవంబర్ 2,3 తేదీల్లో నిర్వహించనున్నట్లు తెలిపింది. ఈ నెల 29,30 తేదీల్లో గ్రూప్ 2 పరీక్షలు జరగాల్సి ఉండగా, అభ్యర్ధుల ఆందోళనలతో ప్రభుత్వం వీటిని నవంబర్ నెలకు వాయిదా వేసినట్లు నిన్న ప్రకటించిన విషయం తెలిసిందే. టీఎస్పీఎస్సీ గ్రూప్ 2 పరీక్ష ఉదయం పది గంటల నుండి 12.30 గంటల వరకు, మధ్యాహ్నం 2.30 గంటల నుండి సాయంత్రం 5 గంటల వరకూ జరగనున్నాయి. పరీక్షలకు వారం రోజుల ముందు నుంచి హాల్ టికెట్లను టీఎస్పీఎస్సీ అధికారిక వెబ్ సైట్ WWW.tspsc.gov.in లో అందుబాటులో ఉంచనున్నట్లు అధికారులు వెల్లడించారు.
తెలంగాణలో మొత్తం 783 గ్రూప్ 2 ఉద్యోగాలకు 5,51,943 మంది దరఖాస్తు చేసుకున్న తెలిసిందే. ముందుగా నిర్ణయించిన ప్రకారం ఈ నెల 29,30 తేదీల్లో గ్రూప్ 2 పరీక్షలు జరగాల్సి ఉండగా, ఇదే నెలలో గురుకుల టీచర్ పరీక్షలు, స్టాఫ్ నర్స్, అడ్మినిస్ట్రేటివ్ ఆఫీసర్స్, పాలిటెక్నిక్, జూనియర్ లెక్చరర్, ఎస్ఎస్ సీ, ఐబీపీఎస్ వంటి పలు పరీక్షలు ఉండటంతో గ్రూప్ 2 పరీక్షలను వాయిదా వేయాలని అభ్యర్ధులు, రాజకీయ పార్టీల నేతలు ఇటీవల ఆందోళన చేశాయి. ఈ నేపథ్యంలో సీఎం కేసిఆర్ ఆదేశాల మేరకు ప్రభుత్వ ప్రధాన కార్యదర్శి (సీఎస్) శాంతి కుమారి శనివారం టీఎస్పీఎస్సీ చైర్మన్, కార్యదర్శితో సమావేశమై అన్ని అంశాలపై సమగ్రంగా చర్చించి పరిస్థితులను సీఎంకు నివేదించారు. సీఎం కేసిఆర్ ఆదేశాల మేరకు గ్రూప్ 2 పరీక్షలను నవంబర్ కు వాయిదా వేసినట్లు ప్రకటించిన టీఎస్పీఎస్సీ తాజాగా కొత్త షెడ్యుల్ ను ఖరారు చేసింది.
Telangana BJP: ఫలించని ఈటల ప్రయత్నాలు .. బీజేపీకి బైబై చెప్పిన మాజీ మంత్రి చంద్రశేఖర్
Anchor Shyamala: యాంకర్ శ్యామలని చెప్పుతో కొట్టాలి.. శ్యామల పై నటుడు ఫైర్..!