Phone: ప్రతి మనిషికి ఇప్పుడు స్మార్ట్ ఫోన్ జీవితంలో ఒక భాగం అయిపోయింది. ఫోన్ లేకపోతే క్షణం కూడా గడవని పరిస్థితి. ఫోన్ లేకపోతే అల్లాడిపోతుంటారు. ఒక్కో సారి మీటింగ్ లో ఉన్నప్పుడో ఇతర పనుల్లో ఉన్నప్పుడో కొందరు ఫోన్ ను సైలెంట్ లో పెట్టి మరచిపోతుంటారు. దీంతో ఆ ఫోన్ ఎక్కడ ఉందో తెలుసుకునేందుకు చాలా ఇబ్బంది, శ్రమ పడుతుంటారు. చాలా మందికి ఈ అనుభవం ఎదురయి ఉంటుంది. అయితే ఓ చిన్న ట్రిక్ తో స్మార్ట్ ఫోన్ ఎక్కడ పెట్టారనే తెలుసునే వీలు ఉంది. అది ఎలా అంటే..
మీ ఫోన్ సైటెంట్ లో పెట్టి ఎక్కడైనా మరిచిపోతే .. మరో అండ్రాయిడ్ ఫోన్ సహాయం తీసుకోవచ్చు. ఇందు కోసం ఇంటర్నెట్ కలిగి ఉండాలి. మీ ఫోన్ లేదా ల్యాప్ టాప్ లేదా ఇతర మొబైల్ లలో మీ జీ మెయిల్ అకౌంట్ కు లాగిన్ అవ్వాలి. ల్యాప్ టాప్, లేదా కంప్యూటర్ ద్వారా మొబైల్ ను సులభంగా కనిపెట్టవచ్చు.
మీ ఫోన్ లో ఏదైనా జీమెయిల్ అకౌంట్ లాగిన్ అయ్యారో అదే ఖాతాను ల్యాప్ టాప్ లోనూ లాగిన్ అవ్వాలి. తొలుత మీ ల్యాప్ టాప్ లో జీ మెయిల్ లాగిన్ అయి గూగుల్ లో అండ్రాయిడ్ డివైజ్ మేనేజ్ మెంట్ వెబ్ సైట్ ఓపెన్ చేయాలి. ఆ తరువాత మీ మొబైల్ ప్రస్తుత స్థానాన్ని సులభంగా చూడవచ్చు. స్క్రీన్ పై మీకు మొబైల్ వివరాలు కనిపిస్తాయి. అంటే మీ ఫోన్ పేరు, నెట్ వర్క్, బ్యాటరీ శాతం కనిపిస్తుంది. అక్కడ మూడు ఆప్షన్ లు కనిపిస్తాయి. వాటిలో ప్లేసౌండ్, సెక్యూరిటీ డివైజ్, ఎరేస్ డివైజ్, అందులో ప్లే సౌండ్ పై క్లిక్ చేయాలి. దీంతో వెంటనే మీ ఫోన్ పెద్దగా రింగ్ టోన్ వస్తుంది. దీంతో సులభంగా మీ ఫోన్ ఎక్కడ ఉందో కనిపెట్టవచ్చు.