Chiranjeevi: ఇటీవల అంతర్జాతీయ మహిళా దినోత్సవం సందర్భంగా చారిటబుల్ ట్రస్ట్ భవన్ లో మెగాస్టార్ చిరంజీవి అదేవిధంగా భార్య సురేఖ కలిసి ఒ కార్యక్రమాన్ని నిర్వహించారు. ఈ కార్యక్రమంలో అందరూ మహిళలే పాల్గొన్నారు. ఈ సందర్భంగా జీవితంలో అదేవిధంగా కెరియర్ లో… ఈ స్థాయిలో రాణించడానికి ప్రధాన కారణం.. భార్య సురేఖ అని తెలియజేశారు. మా కుటుంబంలో పెద్ద కోడలిగా అడుగుపెట్టిన సురేఖ.. రాఖీ పండుగ రోజు ఇచ్చిన సర్ప్రైస్.. అన్నిటికంటే హైలెట్ అని తెలిపారు.
కోకాపేటలో నాకు కొన్ని ఎకరాల స్థలం ఉంది. అక్కడ వ్యవసాయం చేద్దామని ఫామ్ హౌస్ కట్టుకొని .. ఉండాలని ఆలోచన చేస్తూ.. కొన్ని సంవత్సరాల క్రితం భూమి కొన్నాను. కానీ ఇప్పుడు భూమి ధర కొన్ని కోట్లు పలుకుతోంది. విషయం ఏమిటంటే నా చెల్లెళ్లకు ఇల్లు కట్టించాను, వారి బిడ్డల భవిష్యత్తు కూడా చూసుకోవడం జరిగింది. వాళ్ళంతా మంచి స్థాయికి ఎదిగారు. వాళ్లకి ఏమీ చూసుకోవాల్సిన పరిస్థితి లేదు. అందరూ బాగా స్థిరపడ్డారు. కానీ సురేఖ ఎలాగో మన దగ్గర ఉన్న భూమి.. రేటు పెరిగింది కదా అందులో కొంత మీ చెల్లెలు ఇస్తే చాలా బాగుంటుంది అని.. వాళ్ళ బాగోగులు ఆలోచిస్తూ నాకు ఆలోచన చెప్పింది. ఏ మహిళ కూడా ఆడపడుచులకు ఆస్తి ఇవ్వాలని ఎప్పుడూ అనుకోదు.
కానీ సురేఖ.. ఆ విలువైన భూమిని … మా చెల్లెలకు ఇస్తే భవిష్యత్తులో వారికి ఆసరాగా ఉంటుందని భావించింది. సలహా ఇవ్వటం జరిగింది వెంటనే నేను కూడా ఒప్పుకున్నాను. కానీ తర్వాత పనిలో పడి మర్చిపోయాను. అయితే ఇటీవల రాఖీ పండుగ సమయంలో… నా చెల్లెలు రాఖీ కట్టిన సమయంలో వాళ్ళకి బహుమతిగా… ఆ భూమికి సంబంధించిన అన్ని డాక్యుమెంట్లు రెడీ చేసి.. సరిగ్గా రాఖీ కట్టకముందు నాకు ఇచ్చి వాటిని చెల్లెళ్లకు బహుమతిగా ఇవ్వాలని సురేఖ వారికి సరికొత్త సర్ ప్రైజ్ ఇచ్చింది. నేను కూడా ఒక్కసారిగా షాక్ తిన్నాను అంటూ.. సురేఖ గొప్పతనాన్ని గురించి చిరంజీవి కొనియాడారు. అల్లు రామలింగయ్య ఇంటిలో చిన్న కూతురు పైగా గారాబంగా పెరిగిన గాని… నా కుటుంబం లో పెద్ద కోడలిగా సురేఖ ప్రముఖ పాత్ర పోషించింది అంటూ అంతర్జాతీయ మహిళా దినోత్సవం నాడు చిరంజీవి భార్యనీ పొగడ్తలతో ముంచెత్తారు.