Today Gold Rate: (6/7/2021) వరుసగా నాలుగు రోజులుగా పెరుగుతూ వస్తున్న బంగారం ధరలకు ఈరోజు బ్రేక్ పడింది.. ఈరోజు బంగారం ధరలలో ఎటువంటి మార్పు చోటు చేసుకోలేదు.. నిన్నటి ధర వద్ద స్థిరంగా కొనసాగుతున్నాయి.. బంగారం ధర స్థిరంగా ఉంటే.. వెండి ధర మాత్రం పైపైకి కదిలింది.. ఈరోజు బంగారం, వెండి రేట్లు ఒకసారి పరిశీలిద్దాం..
మంగళవారం హైదరాబాద్ బులియన్ మార్కెట్లో 10 గ్రాముల 22 క్యారెట్ల బంగారం ధర నిన్నటి రేటు రూ.44,310 వద్ద స్థిరంగా ఉంది అలాగే 10 గ్రాముల 24 క్యారెట్ల బంగారం నిన్నటి ధర రూ.48,340 వద్ద స్థిరంగా కొనసాగుతోంది.. అంతర్జాతీయ మార్కెట్లో బంగారం పెరుగుదల, డాలర్ విలువ పెరగడం, బ్యాంకుల్లో నిల్వ ఉన్న బంగారం, వాటి వడ్డీ రేట్లు, బాండ్ ఈల్డ్, వాణిజ్య యుద్ధాలు వంటి పలు అంశాలు బంగారం ధర హెచ్చుతగ్గుల పై ప్రభావం చూపిస్తాయని గమనించాలి.. నిన్న తటస్థంగా ఉన్న వెండి ధర ఈరోజు పైపైకి కదిలింది.. నిన్నటి ధరతో పోల్చుకుంటే రూ.100 పెరిగింది.. దీంతో ఈరోజు కిలో వెండి ధర రూ.75,000 కి ఎగసింది.. ఈరోజు బంగారం కొనుగోలు చేయాలని భావించే వారికి శుభ తరుణంగా చెప్పవచ్చు.
