(న్యూస్ ఆర్బిట్ డెస్క్)
అమెరికాలోని ఫ్లారిడాలో మొసళ్లు ఎక్కడబడితే అక్కడ దర్శనమివ్వడం మామూలయిపోయింది. జనం కూడా వాటిని చూసి భయపడడం మానేశారు. తాజగా ఒక గోల్ఫ్ కోర్సులో మొసలి ఒకటి రాజా లాగా నడుచుకుంటూ వెళ్లింది. విశేషం ఏమంటే అప్పుడు అక్కడ గోల్ఫ్ ఆడుతున్న వ్యక్తి దానిని చూసి ఏమాత్రం భయపడకుండా ఆట కొనసాగించడం. ఈ వీడియో ప్రస్తుతం వైరల్ అవుతోంది.
https://www.instagram.com/p/B1bn2ZWHznm/?utm_source=ig_embed&utm_campaign=embed_video_watch_again
వేక్‌బోర్డు ఆటగాడు స్టీల్ లాఫర్టీ ఛాంపియన్ గేట్ కంట్రీక్లబ్‌లో బుధవారం మధ్యాహ్నం గోల్ఫ్ ఆడుతున్నాడు. ఇంతలో అటుగా ఒక మొసలి వచ్చింది. దాని దారిన అది రాజసంగా నడుచుకుంటూ వెళుతుండగా లాఫర్టీ గోల్ఫ్ బంతిని షాట్ కొట్టడం వీడియోలో కనబడుతుంది.
నేను వేక్‌బోర్డ్ ఆడుతుంటాను కాబట్టి ఎప్పుడూ నీళ్లలో ఉంటాను. మొసళ్లు నాకు కొత్త కాదు. పైగా ఇది తన దారిన తాను వెళుతున్నది కదా. కాబట్టి నేనూ దానిని పోనిచ్చాను అని లాఫర్టీ సిఎన్‌ఎన్‌తో అన్నాడు.