వాషింగ్టన్: సాంకేతిక సమస్యతో అమెరికాలో ఓ చిన్న సైజు విమానం రద్దీగా ఉండే రహదారిపై లాండ్ అయింది. రోడ్డుపై దూసుకు వస్తున్న విమానాన్ని చూసి అక్కడి వారు బిత్తరపోయారు. వాషింగ్టన్లోని టకోమా పట్టణంలో రద్దీగా ఉండే రహదారిపై ఈ ఘటన జరిగింది. దీనికి సంబంధించిన వీడియో ఒక సోషల్ మీడియాలో వైరల్ అయ్యింది. సింగిల్ ప్రొపెల్లర్ ఇంజిన్ కలిగిన కెఆర్ 2 విమానంలో ఇంధన సమస్య ఏర్పడటంతో అప్రమత్తమైన పైలట్ విమానాన్ని జాగ్రత్తగా పార్క్లాండ్ రహదారిపై దించాడు. వాషింగ్టన్ స్టేట్ పోలీసు పెట్రోలింగ్ విభాగానికి చెందిన జొహాన్నా బాటిస్టే రోడ్డుపై విమానం లాండ్ అవుతున్న దృశ్యాలు, ఆ వీడియోను సోషల్ మీడియాలో పంచుకున్నాడు.
ఈ ఘటనలో ఎవరికీ ఎటువంటి ప్రమాదం జరగలేదు. విమానం రోడ్డుపై దిగడంతో వాహనదారులు అవాక్కయ్యారు. అనంతరం అధికారులు అక్కడకు చేరుకొని విమానాన్ని తరలించారు.
Trooper Thompson’s dash cam video capturing this morning’s events! Great job by the pilot and trooper! pic.twitter.com/7X0uWYJ9fc
— Trooper Robert Reyer (@wspd1pio) August 1, 2019