చిలీ పోలీసుల ‘ప్రతాపం’ చూడండి!

(న్యూస్ ఆర్బిట్ డెస్క్)

దక్షిణ అమెరికా దేశం చిలీలో పోలీసులు నిరసనకారులపైకి మోటర్ సైకిళ్లను పోనిచ్చేందుకు చూస్తున్న వీడియో ప్రస్తుతం ఇంటర్‌నెట్‌లో సంచలనం సృష్టిస్తున్నది. డెయిలీ మెయిల్ రిపోర్టు ప్రకారం ఈ సంఘటన టూరిస్టు కేంద్రమైన వినా డెల్ మార్ పట్టణంలో నవంబర్ 14న జరిగింది. ఒక నిరసనకారుడు రోడ్డు మధ్యలో నుంచుని ఉండగా మోటర్ సైకిల్‌పై ఉన్న పోలీసు ఒకరు అతని పైనుంచి బండి తోలేందుకు ప్రయత్నించడం వీడియోలో కనబడుతుంది.

Si esto es lo que hace la policía de Chile en público imaginad lo que harán en la privacidad de un calabozo. Continúan las detenciones arbitrarias, los asesinatos y las desapariciones. pic.twitter.com/uqq32AtGub

— PabloMM (@pablom_m) November 26, 2019

విద్యార్ధి అయిన ఆ నిరసనకారుడు పేవ్‌మెంట్ మీదికి పరిగెత్తి కాలుజారి కింద పడతాడు. పోలీసు అతని పొట్టపైనుంచి మోటర్‌సైకిల్ నడిపేందుకు చూస్తాడు. వెంటనే సహచర నిరసనకారులు అతనిని పక్కకు లాగుతారు.

ఆర్ధిక అసమానతలను తొలగించడంలో ప్రభుత్వం విఫలమయిందనీ, పని చేసే చోట పరిస్థితులు కఠినంగా ఉన్నాయనీ అంటూ చిలీ యువత అక్టోబర్  14 నుంచీ ఉద్యమిస్తున్నది. శాంతియుతంగా మొదలయిన నిరసనలు క్రమంగా హింసాత్మకంగా మారాయి. దేశాధ్యక్షుడు సెబాస్టియన్ పినేరా దేశమంతటా ఎమర్జెన్సీ విధించి పోలీసులను దించాడు.