ఏంటి.. పొద్దుపొద్దున్నే ఈ బియ్యం గోల అనుకుంటున్నారా ..! కాస్త వెరైటీగా బియ్యాన్నే తినమంటారా..? అనుకుంటాన్నారా..? ఇంచుమించు అలాంటిదే అనుకోండి..! కాకపోతే ఇక్కడ బియ్యాన్ని నానబెట్టుకొని తింటాం అంతే..! ఏంటి నేను చెప్పేమాటలు వింటుంటే ఆశ్చర్యంగా ఉన్నాయా..! అయితే ఇది చదవండి.. అసలు విషయం ఏమిటో..! మీకే అర్ధమవుతుంది..!
అమ్మ ఆకలివేస్తుంది.. అంటే వెంటనే బియ్యం కడిగి పొయ్యి మీద పెట్టి వేడి వేడిగా వడ్డించే సరికి పిల్లల ఆకలి కాస్త ఆవిరై పోతుంది.. దానితోపాటు మన మీద కోపంకూడా వస్తుంది.ఇక నుంచి ఈ సమస్య ఉండదు. అంటే అన్నం వండద్దు.. అని కాదు. సహజంగా మనం బియ్యం నానబెట్టి గ్యాస్ మీద పెట్టి వండుతారు. కానీ అస్సాంలో మాత్రం దీనికి పూర్తిగా భిన్నంగా ఉంటుంది. బియ్యం నానబెట్టి అరగంట ఆగు వడ్డిస్తానంటున్న అక్కడి మహిళలు. అన్నం కావాలంటే బియ్యం నానపెడితే చాలు.. ఏంటి అని ఆశ్చర్యపోతున్నారా.. నిజమేనండి..!అది కూడా ఎటువంటి గ్యాస్, కట్టెలపొయ్యి సహాయం లేకుండా అస్సాం ప్రాంతంలో ఉత్పత్తి అవుతున్న ఈ రకం బియ్యం చాలారోజులకి వెలుగులోకి వచ్చింది. మరికొన్ని రోజుల్లో దేశమంతటా విస్తరించి పోతుంది. వీటిని అస్సాం కొండ పరివాహక ప్రాంతాలలో సాధారణ రైతులు పండిస్తారు. ఈ పంట కాలం జూన్ నుంచి డిసెంబర్ వరకు ఉంటుంది. దీనికి ఎటువంటి రసాయన, సేంద్రియ ఎరువులు అవసరం లేదంట. ఒకవేళ చల్లితే పంట దెబ్బతిని అవకాశం కూడా ఉందని వ్యవసాయ శాస్త్రవేత్తలు తెలిపారు. ఈ పంటకు కేంద్రప్రభుత్వం పేటెంట్ హక్కులను కూడా ఇచ్చింది. పూర్తి స్వదేశీ పరిజ్ఞానంతో ఈ మ్యాజిక్ రైస్ ను పండించడాన్ని వ్యవసాయ శాస్త్రవేత్తలు హర్షం వ్యక్తం చేస్తున్నారు.
చల్లని నీటిలో కేవలం ఆర గంట సేపు నానబెట్టి చాలు సిద్ధమవుతోంది. గుమగుమలాడే సిద్ధమవుతుంది. ఏంచక్కా కూరలో కలుపుకొని ఆ అన్నాన్ని లాగించేయొచ్చన్నమాట. అరె.. ఇదేదో బాగుందే. గ్యాస్ బాధ ఉండదు. దాన్ని వండే బాధ తప్పుతుంది. సూపర్ ఐడియా అంటారా? అవును సూపర్ ఐడియానే. ఈ ధాన్యానికి బోకాసౌల్, మ్యాజిక్ రైస్ లేదా మడ్‌రైస్‌ అని పేరు.దొడ్డుగా వుండే ఈ రైస్ మామూలు వరి బియ్యాన్ని ఉడికిస్తే ఎలా అయితే రెట్టింపు పరిమాణంలో అన్నం వస్తుందో.. నానబెట్టిన మ్యాజిక్ రైస్ కూడా అలాగే ఒదుగవుతుంది. స్థానిక సమాచారం ప్రకారం మొగల్ చక్రవర్తి కాలంలో దీనిని ఆహారంగా తీసుకోవడం కాకుండా వారి సైనిక సిబ్బంది కూడా ఇదే వడ్డించేవారట. ప్రముఖ గౌహతి యూనివర్సిటీలో పరిశోధనలుల్లో బోకాసౌల్ బియ్యం విశిష్టతను వివరిస్తూ ఈ బియ్యంలో పీచు పదార్థం 11 శాతం మాంసకృత్తులు ఏడు శాతం ఉన్నట్లు వెల్లడించారు. ఈ అన్నం వల్ల శరీరంలో వేడి తగ్గి శక్తి వృద్ధిచెందుతుంది.