KCR: ఉద్యోగాల భ‌ర్తీ విష‌యంలో అటు ప్ర‌ధాన‌మంత్రి న‌రేంద్ర మోడీ , ఇటు తెలంగాణ ముఖ్య‌మంత్రి కేసీఆర్ తీపి క‌బురు వినిపించారు.
ఇకపై ఏటా ఉద్యోగాల భర్తీకి ‘వార్షిక నియామక క్యాలెండర్’ (జాబ్ క్యాలెండర్)ను అందుబాటులోకి తెచ్చేందుకు తెలంగాణ ప్రభుత్వం సిద్ధమైంది. ఈ మేరకు సీఎం కేసీఆర్ అధ్యక్షతన ప్రగతి భవన్ లో సమావేశమైన కేబినెట్.. రాష్ట్రంలో ఉద్యోగాల భర్తీపై కీలక నిర్ణయం తీసుకుంది. మ‌రోవైపు కేంద్ర ప్ర‌భుత్వ ఉద్యోగాల విష‌యంలో మోడీ స‌ర్కారు ఇంకో గుడ్ న్యూస్ తెలిపింది.
Read More: KCR: సొంత ఇలాకాలోనే కేసీఆర్‌కు షాక్‌లు ఇస్తున్న ర‌ఘునంద‌న్ రావు
కేసీఆర్ నిర్ణయం…
ఉద్యోగ ఖాళీల భర్తీకై తీసుకోవాల్సిన చర్యలు, ఖాళీల గుర్తింపు, విధివిధానాల రూపకల్పన కోసం తెలంగాణ కేబినెట్ రెండుసార్లు సమావేశం అయింది. కొత్త జోనల్ వ్యవస్థకు అనుగుణంగా ఉద్యోగుల జిల్లాల వారీగా కేటాయింపులు, నూతన జిల్లాల వారీగా పోస్టులు కేటాయించాలని.. ఈ మేరకు అధికారులు చర్యలు చేపట్టాలని మంత్రివర్గం ఆదేశించింది. రెండో రోజు సమావేశంలో అన్ని శాఖల కార్యదర్శులను పూర్తి వివరాలతో హాజరు కావాలని కేబినెట్ ఆదేశించింది. అన్ని రకాల పోస్టులలో ఖాళీలను గుర్తించిన తర్వాత ప్రతి సంవత్సరం రిక్రూట్‌మెంట్ కోసం జాబ్ క్యాలెండర్ ను తయారు చేయాలని కేబినెట్ అధికారులను ఆదేశించింది.
Read More:Revanth Reddy: రేవంత్ ఓ క‌న్ను వేసి పెట్టిన కాంగ్రెస్ నేత‌లు ఎవ‌రంటే…
కేంద్రం తీపిక‌బురు….
ప్రభుత్వరంగ బ్యాంకుల్లో రిక్రూట్ మెంట్ ను ప్రాంతీయ భాషల్లో నిర్వహించాలని వస్తున్న డిమాండ్లకు కేంద్రం స్పందించింది. ఈ మేరకు ఈ విషయాన్ని తేల్చేందుకు కేంద్ర ఆర్థిక మంత్రిత్వ శాఖ ఓ కమిటీని వేసింది. ఈ కమిటీ 15 రోజుల్లో తన నివేదికను సమర్పించనుంది. కమిటీ నివేదిక వచ్చేవరకు ఐబీపీఎస్ నిర్వహించే పరీక్షలను నిలిపివేయాలని ఆర్థిక మంత్రిత్వ శాఖ సూచించింది.భారత రాజ్యాంగం 22 భాషలను అధికారికంగా గుర్తించినా.. ఐబీపీఎస్ మాత్రం ఇంగ్లిష్, హిందీ భాష్లలోనే పరీక్షలను నిర్వహిస్తుంది. ఈ నేపథ్యంలో దేశ వ్యాప్తంగా పలు రాష్ట్రాలు తమ వ్యతిరేకతను కేంద్రానికి చెప్పాయి. ఐబీపీఎస్ చర్య కారణంగా తమ రాష్ట్ర యువత నష్టపోతున్నారని ఆందోళన వ్యక్తం చేశాయి. 2019లో జాతీయ బ్యాంకు పరీక్షలను ప్రాంతీయ భాషల్లోనూ నిర్వహిస్తామని కేంద్ర ఆర్థిక మంత్రి నిర్మలా సీతారామన్‌ హామీ ఇచ్చారు. అయితే మంత్రి ప్రకటన కేవలం కేవలం ప్రాంతీయ గ్రామీణ బ్యాంకుల్లో(ఆర్‌ఆర్‌బీ) నియామకాలకు సంబంధించి మాత్రమేనని తాజాగా కేంద్ర ఆర్థిక శాఖ తెలిపింది.