Vijay sethupathi : విజయ్ సేతుపతికి సౌత్ లో ఎంత క్రేజ్ ఉందో అందరికీ తెలిసిందే. బాలీవుడ్ సినిమాలలో కూడా ఆఫర్స్ వస్తున్నాయి. అయినా విజయ్ సేతుపతి డేట్స్ సర్దుబాటు చేయలేనంత బిజీగా ఉన్నాడు. ఇప్పటికే పలు తెలుగు, తమిళ సినిమాలతో బిజీగా ఉన్నాడు. ఓ టీవీ షోకి హోస్ట్ గా వ్యవహరించబోతున్నాడు. కమల్ హాసన్ నటిస్తున్న విక్రం సినిమాలో కీలక పాత్రలో నటిస్తున్న విజయ్ సేతుపతి జాయిన్ అవడంతో సినిమా మీద అంచనాలు భారీగా పెరిగాయి. కాగా ఈ విలక్షణ నటుడికి మరో అద్భుతమైన అవకాశం వచ్చినట్టు లేటెస్ట్ అప్‌డేట్.
ఫ్యామిలీ మ్యాన్ సిరీస్ తో తెలుగు దర్శక ద్వయం రాజ్ అండ్ డీకే ఎంతగా సౌత్ అండ్ నార్త్ సినిమా ఇండస్ట్రీలో పాపులర్ అయ్యారో అందరికీ తెలిసిందే. వారి సినిమా దర్శకత్వం వహించినా, నిర్మాతలుగా వ్యవహరించినా దేశ వ్యాప్తంగా భారీ స్థాయిలో అంచనాలు ఏర్పడుతున్నాయి. ఇటీవల వచ్చిన ది ఫ్యామిలి మాన్ సీజన్ 2 భారీ స్థాయిలో హిట్ సాధించింది. అక్కినేని సమంతకి విపరీతమైన క్రేజ్ తీసుకు వచ్చింది. రాజీ పాత్రలో నటించిన సమంతకి బాలీవుడ్ నుంచి ఇప్పుడు క్రేజీ ఆఫర్స్ వస్తున్నాయి. కాగా ఇప్పుడు వీరు వరుసగా సినిమాలను నిర్మించనున్నారు.
Vijay sethupathi : విజయ్ సేతుపతి నటించేందుకు సైన్ చేశాడట.
ఇటీవలే సినిమా బండి అనే చిన్న సినిమాను నిర్మించి బాగా ఆకట్టుకుంది. కాగా సందీప్ కిషన్ తో ఓ సినిమా నిర్మించబోతున్నారు. ఇందులో విలక్షణ నటుడు విజయ్ సేతుపతి నటించనున్నాడట. కథ నచ్చడంతో విజయ్ సేతుపతి వెంటనే గ్రీన్ సిగ్నల్ ఇచ్చినట్టు సమాచారం. ఈ సినిమా ద్వారా భరత్ చౌదరి దర్శకుడిగా ఇండస్ట్రీకి పరిచయం కాబోతున్నారు. ఈ సినిమా షూటింగ్ ఆగస్టు చివరి వారంలో ప్రారంభించబోతున్నారట. విజయ్ సేతుపతి తమిళంలో హీరోగా నటిస్తూనే మిగతా భాషల్లో క్యారెక్టర్ ఆర్టిస్టుగా నటిస్తున్నారు. ఈ క్రమంలోనే తెలుగులో మరోసారి విజయ్ సేతుపతి నటించేందుకు సైన్ చేశాడట. త్వరలో ఇందుకు సంబంధించిన అఫీషియల్ కన్‌ఫర్మేషన్ రానుందని తెలుస్తోంది.